Zatù 4:14 - Manobo Western Bukidnon OT

¹⁴ Ne migkeǥiyan ni Debora si Barak te, “Genat ke en, su iyan heini andew he ebpengelinteuwan te Nengazen he mezaag nu si Sisera. Ebpetelihuna kenikew is Nengazen.” Umbe midtupang si Barak dutun te Buntud he Tabor zuma sikan is 10,000 he menge sundaru zin.

Zatù 4:14 교차 참조

Genesis 19:14

Ne zutun mibeyaan ni Lot is menge maama he nekekaǥun te menge anak din, ke sikandin te, “Kuwa kew en su ebpelaǥuy kiw kayi su edlimasen en te Nengazen heini is inged tew.” Piru wazè dan mebpemineg su kunaan dan ke suyat dà haazà ni Lot.

Genesis 44:4

Ne hein kenè pa utew meziyù is imbayè dan migkaǥi si Jose ziyà te suluǥuen din te, “Gègaani nu telukuni haazà is menge etew ne emun egkesaut nu, keǥiyi nu sikandan te, ‘Maan is utew mezaat is imbales niw te ǥaǥew te egalen ku?

2 Samuel 5:24

Emun egkezineg niw he henduen te ebmartsa is menge sundaru ziyà te zapit te zivavew zutun te menge kayu he balsam, ne surunga niw en su iyan tuus heeyan he iyan a edhuna te kedsurung niw te menge Filistihanen.”

Isaias 52:12

Piru kayi he timpu kenè en kinahanglan he edegdeǥusu kew te ked-awà he iring te ebpelaǥuy kew su ebpetelihuna is Nengazen keniyu. Is Megbevayà te Israel iyan ebpengalang keniyu.

Micas 2:13

Ebpuwasan ku is pultahan te inged he zutun kew zumaha is mibihag, ne ebpenguluwan ku sikiyu te kegawas puun dutun. Iyan a kes Nengazen he hadì niw is ebpengulu keniyu.”

Deuteronomio 9:3

Piru ǥuntaan egkeehè niw he iyan is Nengazen he Megbevayè niw edhuna edlayun he iring te hapuy he ebpekeepur te menge kuntada. Edaaǥen din sikandan su para melemu zà is kedsegseǥa niw wey kedezeeti niw kandan su iyan heini impenaad te Nengazen keniyu.

Josue 10:8

Ne migkaǥi is Nengazen diyà te ki Josue te, “Kenè ka mahandek kandan. Imbeǥey ku en sikandan kenikew. Wazà minsan sevaha kandan he ebpekezaag kenikew.”

Josue 7:13

“Hitindeg ka ne keǥiyi nu is menge etew he lumpiyuwi zan is keugelingen dan para te ked-etuvang dan kedì keeselem, tenged te siak, is Nengazen he Megbevayà te Israel, egkaǥi te: ‘He Israel, duen niw in-eles he menge azen he para zà kediey. Kenè kew ebpekesukul te menge kuntada niw mintras wazè pa maawà diyà te keniyu heini he menge azen.’

Zatù 19:28

Migkaǥi haazà is Levihanen te, “Enew ke en su egenat kiw en.” Iyan, minatey en bes haazà is bahi, ne in-untud din haazà te asnu zin ne migenat.

Zatù 4:10

Ne zutun impehendiyà ni Barak te Kedesh is menge tribu ni Naftali wey ni Zebulun, ne 10,000 kandan is miduma kandin. Elin daan miduma si Debora.

Zatù 7:9

Dutun he kezukileman migkaǥi is Nengazen diyà te ki Gideon te, “Pengandam kew en! Surunga niw en is menge Midianhen ne ibpezaag ku keniyu sikandan.

1 Samuel 9:26

ne zutun medlipezeng si Saul. Hein meselem en, mid-umew ni Samuel si Saul ziyà te atep. Ke sikandin te, “Penines ke en, su ibpeulì ku en sikiyu.” Ne hein nekepenines en si Saul, migawas dan ki Samuel.