Zatù 3:8 - Manobo Western Bukidnon OT

⁸ Tenged kayi nepeukan sikandan te Nengazen, umbe mibey-anan din sikandan he mezaag ni Hadì Cushan Rishataim he hadì te Aram Naharaim. Nesakup din sikandan seled te walu he tuig.

Zatù 3:8 교차 참조

Genesis 24:10

Ne hein nepasad dutun, migkuwa is suluǥuen te sepulù he menge ayam he kemilyu ne migkergahan din te langun he kelasi te menge mahalen he igasa he ebpuun te egalen din he si Abraham. Migenat sikandin pehendiyà te inged he Aram Naharaim, he iyan inged he mid-ubpaan ni Nahor he hazi ni Abraham.

Salmo 106:41

Imbeǥey zin sikandan diyà te menge nasyun he menge kuntada zan, ne nezizalem sikandan te keǥehem dan.

Salmo 129:1

Menge tig-Israel, keǥiya niw ke mibmenumenu kew te ebpaantus te menge kuntada niw puun pa te aney en he kegketukud te nasyun niw.

Salmo 44:12

Sikami is menge etew nu, ne henduen be te imbelegyè key zà kenikew te veratu. Henduen te wazè dey pulus diyà te kenikew.

Salmo 6:1

Nengazen, minsan duen nu pauk kedì, ne kenà a kenikew siluti.

Salmo 85:3

Wazè key en kenikew mepeuki.

Exodus 22:24

Egkepeukan ku sikiyu emun edèdaaǥen niw is balu etawa ilu ne ebpengelinteuwan ku he mepatey kew te ǥumaan su wey mevalu is menge esawa niw, ne wey meilu is menge anak niw.

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Habakuk 3:7

Neehè ku he egkengeregdas is menge tulda te meǥinged diyà te Cushan wey Midian.

Deuteronomio 29:20

Kenà sikandin ebpeseyluwen te Nengazen. Iring te edriyubriyub he regreg is dekelà he pauk te Nengazen kandin, ne egkehitavù diyà te kandin is langun he menge rawak he ingkesurat kayi te libru, ne id-awà te Nengazen is ngazan din kayi te kelibutan.

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Zatù 2:14

Ne tenged te pauk te Nengazen te menge Israilihanen, mibey-anan din sikandan he surunga te menge tulisan he egkuwa te menge azen dan.

Zatù 2:20

Umbe, utew sikandan nepeuki te Nengazen. Migkaǥi is Nengazen te, “Tenged te midrapas kayi te menge etew is midhimu ku ziyà te menge kepuun dan he kebpekid-uyun kandan, wey wazè e zan pezumdumahi,

Zatù 3:10

Mid-ulinan sikandin te Mulin-ulin te Nengazen, ne mibpenguluwan din is Israel. Nekidtebek sikandin ki Hadì Cushan Rishataim he hadì te Aram, ne mibpengelinteuwan te Nengazen he mekezaag sikandin.

Zatù 3:7

Mezaat is mibeelan te menge Israilihanen diyà te etuvangan te Nengazen, su midlipatan dan is Nengazen he Megbevayè dan, ne mid-azap dan is menge ledawan ni Baal wey ni Ashera.

Zatù 3:9

Piru hein mibuyù te tavang is menge Israilihanen diyà te Nengazen, mibegayan din sikandan te sevaha he etew he ebpekelibri kandan. Iyan sikandin si Otniel he anak ni Kenaz te hazi ni Caleb.

Zatù 4:9

Midtavak si Debora te, “Uya, eduma a kenikew; iyan, kenà kenikew is dengeg su vahi is ebpengelinteuwan te Nengazen he ebpekezaag ki Sisera.” Ne miduma si Debora ki Barak ne midhendiyè dan te Kedesh.

1 Samuel 12:9

Piru midlipatan dan is Nengazen he iyan Megbevayè dan, umbe paaǥi te Nengazen is kegkezeeǥa kandan ni Sisera he peremandar te sundaru he tig-Hazor, wey te Filistihanen wey te hadì te Moab.