Zatù 3:26 - Manobo Western Bukidnon OT

²⁶ Dutun te timpu te kedtaǥad duen te menge suluǥuen te kebpuwas duen te hadì, nekepekeziyù en si Ehud. Midsaǥad sikandin duen te midtiǥivan he menge vatu ne midlaus pehendiyà te Seira.

Zatù 3:26 교차 참조

2 Samuel 4:6

Ne midseled dan su uvag kun egkuwa zan te trigu. Ne midseled sikandan diyà te ruǥu ni Ishboshet ne zutun sikandin te katri zin edhidhizeǥà ne segugunè dan dunggava ziyà te getek. Ne midtamped dan is lieg din ne migkuwa zan is ulu ne mid-uwit dan te ebpelaǥuy ne ziyè dan mebayà te Araba te tivuuk he mezukilem.

2 Hadì 9:10

Emun bahin ki Jezebel, egkeenen sikandin te menge asu ziyà te tanà he Jezreel, ne wazà edleveng kandin.’ ” Ne zutun midliǥawang haazà is ebpeneuven ne mibpelelaǥuy.

Zatù 3:25

Umbe, wazè dan en puwasi sikan is gemawan ne midtaǥad dà sikandan diyà te gawas. Ne hein kenè en ebpuwasan duen te hadì sikan is gemawan ne neipeng en sikandan. Umbe migkuwa zan te yawi ne mibpuwasan dan haazà, ne neehè dan sikan is hadì dan he nekesesavuk diyà te saag he minatey en.

Zatù 3:27

Kebpekeuma zin, mibpezaǥing sikandin te vudyung diyà te vuvungan te Efraim su ed-umawen din is menge Israilihanen su ebpekidtebek dan. Ne midtupang puun dutun te vuvungan is menge Israilihanen he ebpenguluwan ni Ehud.