Zatù 3:19 - Manobo Western Bukidnon OT

¹⁹ Hein aney miduma sikandin kandan, iyan, hein nekeuma zan duen te midtiǥivan he menge vatu he uvey te Gilgal, midlikù si Ehud duen te hadì is migkaǥi te, “Mahal he Hadì, duen sikritu he egkeǥiyen ku ziyà te kenikew.” Umbe migkeǥiyan dutun te hadì is menge suluǥuen din te, “Ewai key zep-a keniyu.” Ne mid-awà dutun is langun he suluǥuen din.

Zatù 3:19 교차 참조

Genesis 45:1

Kenè en dutun egketigker ni Jose is gehinawa zin, umbe impeliǥawang din is menge suluǥuen din. Hein wazè en dutun menge etew he zuma ni Jose, mibepekilala sikandin te menge suled din.

2 Samuel 13:9

Hein nelutù en haazà, ne migkuwa zin heini su ibpekaan din ki Amnon, piru kenà egkaan si Amnon. Migkaǥi si Amnon te, “Ipeǥawas is langun he menge etew kayi!” Dutun nenggawas is menge etew.

Salmo 78:58

Midhimu zan he mepauk wey mebpengelikud kandan is Megbevayà pinaaǥi te kebangun dan te menge simbahan diyà te metikang he menge lugar wey te ked-azap dan te zuma he menge ed-ezapen.

Josue 4:20

Ne zutun punduka ni Josue sikan is 12 he menge vatu he impekuwa zin puun te Wahig he Jordan.

Zatù 3:18

Ne hein nezawat en ni Eglon haazà is buhis, impeulì ni Ehud is menge zuma zin he mid-uwit duen te vuhis.

Zatù 3:20

Ne mid-uvey si Ehud duen te hadì he ebpimpinuu ziyà te meǥenew he ruǥu zin he ziyà te zivavew. Migkaǥi si Ehud te, “Duen egkeǥiyen ku kenikew he ibpekaǥi te Megbevayà.” Ne hein midhitindeg haazà is hadì,