Zatù 3:12 - Manobo Western Bukidnon OT

¹² Mid-uman en maan mebaal is menge Israilihanen te mezaat diyà te etuvangan te Nengazen. Ne tenged dutun midhimu te Nengazen he mesakup sikandan ni Hadì Eglon he hadì te Moab.

Zatù 3:12 교차 참조

2 Hadì 5:1

Si Naaman he peremandar te menge sundaru ziyà te Aram, edtehuzen te hadì diyà te Aram, su pinaaǥi kandin mibpengelinteuwan te Nengazen he mekezaag is Aram. Meupiya sikandin he sundaru, piru zuen utew mezaat he zaru te lundis he ed-isipen he meremerik.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Isaias 10:15

Lavew ve is wasey etawa gavas te migamit duen? Iyan be egkevitbit te lagkut is migawed duen?

Isaias 37:26

“Tutuu iyan he mibpemengkag nu is binerengbeng he menge inged. Piru wazè nu ve metueni he siak, is Megbevayà, neuǥet en he imbanglis ku is kegkeul-ulaha kayi? Neuǥet en diyà te pelanu ku is kegkeul-ulaha kayi ne ǥuntaan edtumanen ku en heini.

Ezekiel 38:16

Edsurungen nu is menge etew ku he Israilihanen he henduen kew te ǥapun he ebpeketambun te tanà. Uya, ibpesurung ku kenikew Gog, is nasyun ku te huziyan he timpu. Ne pinaaǥi te ebpeveelan ku kenikew, igkepeehè ku ziyà te menge nasyun is kegkewaǥas ku. Ne egketuenan dan he iyan a Nengazen.’ ”

Daniel 4:22

Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Hoseas 6:4

Piru migkaǥi is Nengazen te, “Menge etew te Israel wey Juda, hengkey is ebeelan ku ziyà te keniyu? Is kebmahala niw kedì ne meǥaan dà egkaawà; iring dà heini te edsaǥad he virisbiris etawa zehemug emun meselem.

Zatù 2:11

Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.

Zatù 2:14

Ne tenged te pauk te Nengazen te menge Israilihanen, mibey-anan din sikandan he surunga te menge tulisan he egkuwa te menge azen dan.

Zatù 2:19

Iyan, emun ebpatey en is pengulu zan, ne edlikuan dan en maan is daan he vaal zan wey edhuna pa is kandan he kebaal te salà te menge kepuun dan. Nenilbi zan wey mid-azap dan is duma he menge ed-ezapen ne wazè dan engkezi is mezaat he menge vaal wey is kebmesinupaken dan.

Zatù 3:11

Umbe, duen kelinew ziyà te Israel seled te 40 he tuig. Ne minatey en si Otniel.

1 Samuel 12:9

Piru midlipatan dan is Nengazen he iyan Megbevayè dan, umbe paaǥi te Nengazen is kegkezeeǥa kandan ni Sisera he peremandar te sundaru he tig-Hazor, wey te Filistihanen wey te hadì te Moab.