Zatù 21:5 - Manobo Western Bukidnon OT

⁵ Mibpein-inseey sikandan ke hengkey he tribu te Israel is wazà medhendutun te tiǥum dan diyà te etuvangan te Nengazen diyà te Mizpa, su nekepenangdù sikandan he edhimetayan is kenà edhendiyà.

Zatù 21:5 교차 참조

Jeremias 48:10

Edrewakan is etew he kenà edseǥipà te vuluhaten te Nengazen he kedezaat te Moab. Edrewakan is etew he kenà egamit te ispada te kedhimatey te menge tig-Moab.

Zatù 21:1

Diyà te Mizpa, midsesapà is menge Israilihanen he kenè dan ibpeesawa is menge anak dan he vahi te menge Benjaminhen.

Zatù 21:18

Iyan, kenè man egkehimu he ibpeesawa tew kandan is menge anak tew he vahi su nekesesapè kiw en he meigù te rawak is ebaal kayi.”

Zatù 21:6

Ingkeseeng te menge Israilihanen is nehitavù te kezumahan dan he menge Benjaminhen. Ke sikandan te, “Guntaan, neterinan en te sevaha he tribu is Israel.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”

1 Samuel 11:7

Migkuwa sikandin te dezuwa he vaka ne mibpenggetad din. Ne impeuwit din dutun te menge menunudtulà, ne midsuǥù din sikandan he ibpehendiyà te tivuuk he tanà te Israel he ebpenudtul te menge etew, “Iyan heini egkeulaula te vaka te etew he kenà eduma ki Saul wey ki Samuel te kebpekidtebek.” Ne zutun intaǥù te Nengazen diyà te gehinawa te menge Israilihanen is kegkehendeki zan ki Saul, umbe nesevaha zan is eduma ki Samuel wey ki Saul.

1 Samuel 14:24

Haazà he andew, mibpengguyaan is menge Israilihanen te kegkevitil su midsesapà si Saul he egkagi te, “Edrewakan is minsan hentei he egkaan te kenè pa ebmezukilem, te kenè e pa ebpekevales te menge kuntada ku.” Umbe wazà minsan hentei he migkaan kandan.