Zatù 21:4 - Manobo Western Bukidnon OT

⁴ Kegkemeselem, mibaal sikandan te pemuhatà ne nemuhat dan te menge pemuhat he edtutungen wey menge pemuhat he para te meupiya he kedepità.

Zatù 21:4 교차 참조

2 Samuel 24:18

Haazà he andew midhendiyà si Gad te ki David ne migkeǥiyan din te, “Tekezeg ka zutun te ǥunasà ni Arauna he Jebusihanen ne vaal ka zutun te pemuhatà para te Nengazen.”

2 Samuel 24:25

Ne mibaal sikandin dutun te pemuhatà he para te Nengazen ne nemuhat sikandin te menge pemuhat he edtutungen wey menge pemuhat he para te meupiya he kedepità. Midtavak te Nengazen is menge hangyù ni David para te Israel, ne neengked is limas.

1 Hadì 8:64

Dutun daan he andew, impehinungud duen te hadì sikan is lama he ziyà te egkesineruwan duen te valey te Nengazen. Ne nemuhat dan dutun te menge pemuhat he edtutungen, menge pemuhat he para gasa, wey menge tavà he pemuhat he para te meupiya he kedepità. Su sikan is brunsi he pemuhatà diyà te egkesineruwan duen te valey te Nengazen he utew zeisey ne kenà ed-ereg heini he menge pemuhat.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Deuteronomio 12:5

kekenà, dangep kew ziyà te Nengazen he Megbevayè niw ziyà te lugar he ebpilien din, ke hengkey he tribu is teǥiǥaked duen kayi te langun he menge tribu te Israel. Ne zutun niw ezapa is Nengazen su iyan haazà lugar he mibpilì din he zutun sikandin ebeǥayi te zengeg.

Zatù 20:26

Umbe, mid-uman en maan medtekezeg diyà te Betel is langun he menge Israilihanen ne midsineǥew zan. Neminuu zan, ne mibpuasa zan diyà te etuvangan te Nengazen dutun he andew taman te kebmezukilem. Nemuhat dan te menge pemuhat he edtutungen wey menge pemuhat he para te meupiya he kedepità.

Zatù 21:3

Ke sikandan te, “He Nengazen he Megbevayà te Israel, maan is nehitavù heini? Maan is neterinan en te sevaha he tribu is Israel?”

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

Zatù 6:26

Ne emun egkepasad nu en ne bangun ka te hustu he pemuhatà he para kediey, te Nengazen he Megbevayè nu, kayi te mibuntud-buntud. Ne ipemuhat nu kayi te kedì sikan is tudu he vaka he pemuhat he edtutungen. Ne iyan nu itavun sikan is tukud he para ki Ashera he ebpenempezen nu.”

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.