Zatù 21:10 - Manobo Western Bukidnon OT

^10-11 Umbe, mibpilì dan te 12,000 he memevurut he menge sundaru, ne migkeǥiyan dan te, “Hendiyè kew te Jabesh Gilead ne geraa niw is meǥinged dutun, batà etawa meǥurang, maama etawa vahi, gawas dà te menge raǥa he wazè pa mehileveti.”

Zatù 21:10 교차 참조

Numero 31:17

Umbe, geraa niw is langun he menge vatà he maama wey is langun he menge vahi he nehilevetan en te maama.

Deuteronomio 13:15

kinahanglan he egeraan niw is langun he meǥinged dutun he inged ragkes en is menge uyaǥen dan. Kinahanglan he wazà edresik kandan.

Josue 7:24

Ne zutun mid-uwit ni Josue wey te langun he menge Israilihanen si Acan diyà te Suǥud te Acor, ragkes sikan is pelata, bisti, wey senge verita he vulawan, wey is menge anak din, menge vaka zin, menge asnu zin, menge kerehidu zin, tulda zin, wey is langun he azen din.

Zatù 21:5

Mibpein-inseey sikandan ke hengkey he tribu te Israel is wazà medhendutun te tiǥum dan diyà te etuvangan te Nengazen diyà te Mizpa, su nekepenangdù sikandan he edhimetayan is kenà edhendiyà.

Zatù 21:8

Dutun migkaǥi sikandan te, “Hengkey he tribu te Israel is wazà medhendiyà hein midtiǥum kiw ziyà te etuvangan te Nengazen diyà te Mizpa?” Netuenan dan he wazà minsan sevaha zutun he tig-Jabesh Gilead,

Zatù 21:9

su hein mibilang is menge etew, wazà naahà he tig-Jabesh Gilead.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”

1 Samuel 11:7

Migkuwa sikandin te dezuwa he vaka ne mibpenggetad din. Ne impeuwit din dutun te menge menunudtulà, ne midsuǥù din sikandan he ibpehendiyà te tivuuk he tanà te Israel he ebpenudtul te menge etew, “Iyan heini egkeulaula te vaka te etew he kenà eduma ki Saul wey ki Samuel te kebpekidtebek.” Ne zutun intaǥù te Nengazen diyà te gehinawa te menge Israilihanen is kegkehendeki zan ki Saul, umbe nesevaha zan is eduma ki Samuel wey ki Saul.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”