Nezineg te menge kevuwazan ni Benjamin he is menge Israilihanen midtiǥum diyà te Mizpa. Migkaǥi is menge Israilihanen te, “Nemenumenu is kegkeul-ulaha kayi te utew mezaat?”
Ne hein mezukilem en, is baley he nepemenehikan dey midliǥuyan te menge maama he tig-Gibea. Egkesuatan dan he mekuwa e zan su edhimetayan e zan pezem; piru iyan, midsinembeyaanan dan te edlayug is esawa ku taman te minatey.
