Zatù 20:13 - Manobo Western Bukidnon OT

¹³ Guntaan, ipalad niw ziyà te kenami heeyan is lalung he menge tig-Gibea he mibaal kayi su edhimetayan dey su wey mepalis kayi te Israel haazà is utew mezaat he salà.” Piru wazà pemineǥa te menge kevuwazan ni Benjamin sikan is duma zan he menge Israilihanen,

Zatù 20:13 교차 참조

Zatù 19:22

Dutun te kedlipeylipey zan, midtik-awan liǥuyi te lalung he menge etew zutun te inged haazà is baley ne mibpemukpuk dan is gemawan. Ne mibensaǥan dan sikan is meǥurang te, “Ipeǥawas nu heeyan is meǥeliyug nu he maama su edhilevetan dey sikandin.”

Deuteronomio 17:12

Is etew he kenà edawat te disisyun te zatù etawa memumuhat he ebpenilbi te Nengazen he Megbevayè niw zutun he timpu ereg he edhimetayan. Kinahanglan he id-awè niw heini he mezaat he vaal ziyà te Israel.

Deuteronomio 13:13

is duen duen lalung he menge etew he midtazin dan is menge meǥinged dutun he inged su migkaǥi sikandin te, ‘Ed-azap kiw te selakew en he menge ed-ezapen’ (menge ed-ezapen he wazè niw mekilala).

Hoseas 10:9

Migkaǥi is Nengazen te, “Sikiyu is menge etew te Israel mibpedayun kew mebaal te salà puun pa zutun te timpu te kebaal te salà te menge kepuun niw ziyà te Gibea. Wazè kew iyan meveǥu. Umbe sikiyu is menge kevuwazan te menge lalung ne edsurungen te Gibea?

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

Megwewali 11:10

Kenè ka medseengseeng wey kenè nu lisliseza is keugelingen nu. Pemulpulusi nu is kegkevetan-en nu su edlavey zà heini.

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

2 Cronica 25:20

Piru kenà ebpemineg si Amazia, su ketau te Megbevayà he mezezeeti sikandin ni Jehoash tenged te ked-azap din te menge ed-ezapen diyà te Edom.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

2 Cronica 13:7

Miduma kenikew is engey wey wazà pulus he menge etew, ne nekidsukulè kew ki Rehoboam he anak ni Solomon dutun te vatè pa si Rehoboam wey wazè din pa neseǥazan ne kenè pa ebpekehimu he edsukul keniyu.

1 Hadì 21:13

Ne zutun dutun duen nekeuma he dezuwa he menge buguy ne mibpinuu zan diyà te etuvangan ni Nabot, ne insumbung dan sikandin diyà te etuvangan te menge etew. Ke sikandan te, “Mibpenrewakan ni Nabot is Megbevayà wey is hadì.” Umbe mid-uwit dan si Nabot diyà te ǥawas te inged ne mibpenuleng dan te vatu taman te kebpatey zin.

2 Samuel 23:6

Piru is menge lalung he menge etew ne iring sikandan te zuǥiyen he menge rasang he idtimbag. Kenà belad is ibpunpun duen su zuen egemiten he igkerit, ne edtutungen heini ziyà te lugar he zutun heini burvuruna.”

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

1 Samuel 30:22

Ne zuen dutun menge sakup ni David he egkengelalunglalung, ke sikandan te, “Kenè tew ebehinan sikandan te nengaaǥew tew ziyà te menge Amalikanhen su wazè dan meduma kenitew. Ilikù niw zà kandan is menge esawa zan wey menge anak dan, ne ibpeǥenat en sikandan.”

1 Samuel 2:25

Mid-uman megkaǥi si Eli te, “Ke zuen etew he ebpekesalà diyà te zuma zin, egkehimu he iyan ebpeteliwazà kandan is Megbevayà; piru hentei is egkehimu he ebpeteliwazà ke ebpekesalà is etew ziyà te Nengazen?” Ne zutun wazà pemineǥa te menge anak din is lalag din tenged te nepasad en is hukum kandan te Nengazen he edhimetayan sikandan.

Deuteronomio 24:7

“Ke zuen egkezekepan he migebpaan din is duma zin he Israilihanen ne mid-uripen din haazà etawa imbelegyè din, kinahanglan he edhimetayan haazà is nemenggebpà. Kinahanglan he id-awè niw heini he mezaat he vaal ziyà te keniyu.

Deuteronomio 22:24

ne uwita niw haazà is dezuwa ziyà te pultahan te inged ne edtulengen sikandan te vatu taman te kebpatey zan. Edhimetayan haazà is bahi su minsan diyà sikandin te inged ne wazà mebpetavang pinaaǥi te kebpengulahi. Edhimetayan haazà is maama tenged te midhilevetan din is bahi he hapit en ed-esewaa. Kinahanglan he id-awè niw heini he mezaat he vaal ziyà te keniyu.

Deuteronomio 22:21

ne ed-uwiten haazà is bahi diyà te etuvangan te valey te amey zin ne edtulengen sikandin te vatu te menge maama zutun te inged taman te kebpatey zin. Su mekeeled-eled he vaal is mibeelan din diyà te Israel pinaaǥi te kebpehilavet dutun te ziyè pa sikandin ed-ubpà te valey te amey zin. Kinahanglan he id-awè niw heini he mezaat he vaal ziyà te keniyu.

Deuteronomio 21:21

Ne haazà, kinahanglan he ebpenulengen te vatu te langun he menge meǥinged dutun te inged taman te ebpatey. Kinahanglan he id-awè niw ziyà te keniyu heini he mezaat he vaal. Ne emun egkezineg heini te langun he menge Israilihanen ne egkahandek dan.

Deuteronomio 19:19

ne kinahanglan he iyan sikandin edsilutan te silut he para pezem duen te insumbung din. Kinahanglan he id-awè niw heini he mezaat he vaal ziyà te keniyu.

Deuteronomio 17:7

Haazà is menge tistiǥus iyan edhuna edtuleng kandin te vatu, ne edsunud is kezekelan. Kinahanglan he id-awè niw haazà is mezaat he vaal pinaaǥi kayi.

Deuteronomio 13:5

Kinahanglan he edhimetayan haazà is ebpeneuven etawa pereseysey te kehuluǥan te teǥeinep, su ebpenuruen kew zin te kedribildi ziyà te Nengazen he Megbevayè niw he mibpeǥawas keniyu ziyà te Ehipto wey midlibri keniyu te kegkeuripen. Heeyan he etew, iyan tuyù din is para mekepekeziyù kew ziyà te menge paaǥi he inmandù keniyu te Nengazen he Megbevayè niw he sunuza niw. Mezaat heeyan ne ereg he id-awà.

Zatù 20:12

Duen menge menunudtulà he midsuǥù te menge tribu te Israel ziyà te tivuuk he tribu ni Benjamin he ibpekaǥi te, “Hengkey heini is utew mezaat he nehitavù kayi te keniyu?

Zatù 20:14

kekenà, nenggawas sikandan puun te menge inged dan ne midtiǥum dan diyà te Gibea su ebpekidtebek dan te zuma zan he menge Israilihanen.

Deuteronomio 13:6

“Penenglitan duen nu suled etawa anak, pinelanggè nu he esawa etawa utew nu emiǥu, he meeles he ed-iniyat kenikew ne egkaǥi te, ‘Ed-azap ki te selakew en he menge ed-ezapen’ (menge ed-ezapen he wazè nu mekilala wey te menge kepuun nu).