Zatù 20:1 - Manobo Western Bukidnon OT

¹ Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.

Zatù 20:1 교차 참조

2 Samuel 19:14

Tenged kayi, neuwit ni David is langun he tig-Juda ne nesevaha is isip dan. Mibpeuwitan dan te lalag si David he egkaǥi te, “Sikew wey is langun he menge sakup nu, likù kew en kayi te kenami.”

2 Samuel 2:9

Dutun impahayag ni Abner he iyan si Ishboshet hadì te tivuuk he Israel, ragkes en kayi is menge lugar ziyà te Gilead, Ashuri, Jezreel, Efraim, wey Benjamin.

2 Samuel 24:2

Ne migkeǥiyan ni Hadì David si Joab wey is menge peremandar te menge sundaru te, “Beyai niw is langun he tribu te Israel, puun te Dan taman te Beersheba ne ipenlista niw is menge etew, wey ku metueni ke pira sikandan langun.”

2 Samuel 3:10

Midsaad is Nengazen he kenè din en ibpahadì is minsan hentei he kevuwazan ni Saul, kekenà, si David en is edhimuwen din he hadì te Israel wey Juda, puun te Dan taman te Beersheba.”

1 Hadì 5:5

Umbe, egkeisip ku he ebangun ad te valey te Nengazen he para te kebeǥey kandin te zengeg te Nengazen he Megbevayè ku, sumalà is nekaǥi te Nengazen diyà te amey ku he si David. Iyan heini migkaǥi zin diyà te ki David: ‘Is anak nu he idliwan ku kenikew te kedhadì, iyan ibpevangun ku te valey he para kediey.’

2 Hadì 25:23

Ne hein netudtulan mehitenged kayi is menge upisyal ziyà te Juda wey is menge etew zan, ne midhendiyè dan te ki Gedalia ziyà te Mizpa. Iyan sikandan si Ishmael he anak ni Netania, si Johanan he anak ni Karea, si Seraya he anak ni Tanhumet he tig-Netofa, si Jaazania he tig-Maaca, wey is menge etew zan.

1 Cronica 21:2

Ne migkeǥiyan ni David si Joab wey is menge peremandar te menge sundaru te, “Hipanew kew, wey niw vilanga is menge Israilihanen puun te Beersheba taman te Dan. Ne likù kew kayi su wey ku metueni ke pira sikandan langun.”

2 Cronica 30:5

umbe impetuenan dan heini ziyà te tivuuk he Israel, puun te Beersheba taman te Dan, he ibpehendiyà te Jerusalem is menge etew te kedsilibra te Pista te Kedlavey te Belinsuǥuen he paaǥi te kebeǥey te zengeg diyà te Nengazen he Megbevayà te Israel. Te nengehuna he kedsilibraha kayi deisek dà is nemenelavuk, piru sumalà is diyà te kesuǥuan ne kenà heeyan dait.

Ezra 3:1

Ne hein neume en is pitu he vulan te ked-ubpà te menge Israilihanen diyà te menge inged dan, midtiǥum sikandan is langun diyà te Jerusalem he zuen dan kegkesevaha.

Nehemias 11:27

Hazar Shual, Beersheba, wey ziyà te menge inged he nekeliǥuy kayi.

Nehemias 8:1

midtiǥum sikandan is langun diyà te Jerusalem, ne nepurung sikandan mesevaha ziyà te pelasa he egkesineruwan te Pultahan Pehendiyà te Wahig. Midhengyuan dan si Ezra he menunudlù te Kesuǥuan he kuwaa zin wey vesaha zin is Libru te Kesuǥuan ni Moises he ibpetuman te Nengazen te menge Israilihanen.

Jeremias 40:6

Umbe, midhendiyà si Jeremias te ki Gedalia ziyà te Mizpa, ne mid-ubpà sikandin dutun duma te menge etew he nesamà diyà te Juda.

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,

Numero 32:40

Umbe, imbeǥey ni Moises is Gilead diyà te menge kevuwazan ni Makir, he menge kevuwazan daan ni Manase ne zutun dan en med-ubpà.

Josue 15:38

Dilean, Mizpa, Jokteel,

Josue 17:1

Duen daan tanà he imbeǥey para te kevuwazan ni Manase te kakey he anak ni Jose. Is Gilead wey is Bashan he ziyà dapit te edsilaan te Wahig he Jordan imbeǥey ziyà te pemilya ni Makir su ǥeina te beǥani sikandin. (Si Makir he amey ni Gilead, iyan kinekekayan he anak ni Manase.)

Josue 18:26

Mizpa, Kefira, Moza,

Josue 22:9

Ne zutun nemen-ulì is tribu ni Reuben, ni Gad, wey is ketengà he tribu ni Manase. Mid-ewaan dan is menge zuma zan he menge Israilihanen diyà te Shilo, he tanà te Canaan ne nemen-ulì sikandan diyà te Gilead, sikan is tanà he nehimu he vahin dan he insuǥù te Nengazen ki Moises he iveǥey ziyà te kandan.

Josue 4:13

Heini is 40,000 he neǥumeenan he menge maama mibayà diyà te etuvangan te Nengazen ne midhendiyè dan te menge suǥud te Jerico su ebpekidtebek dan.

Zatù 10:17

Dutun he timpu ebpetebekà is menge Amunihanen wey is menge Israilihanen. Migkampu is menge Amunihanen diyà te Gilead, ne ziyà mulà te Mizpa is menge Israilihanen.

Zatù 11:11

Umbe, miduma si Jefta kandan, ne midhimu sikandin te menge tig-Gilead he pengulu wey peremandar zan. Ne ziyà te Mizpa, nenangdù si Jefta ziyà te etuvangan te Nengazen dutun te kedawata zin te ketengdanen he kebpengulu.

Zatù 11:34

Ne hein mid-ulì si Jefta ziyà te Mizpa, midsinuǥung sikandin te anak din he vahi he ebpurung dà edsayewsayew is edtukar te tamburin. Budtung sikandin he anak ni Jefta.

Zatù 18:29

Mid-ilisan dan is ngazan kayi te Dan he iyan ngazan te kepuun dan he sevaha zuen te menge anak ni Jacob.

Zatù 20:11

Umbe, midsevaha is menge maama te Israel te kedsurung diyà te Gibea.

Zatù 20:18

Midhendiyà te Betel is menge Israilihanen ne mid-insè dan diyà te Megbevayà ke hentei ki tribu is edhuna edsurung te menge Benjaminhen. Ne midtavak is Nengazen te, iyan is tribu ni Juda.

Zatù 20:2

Dutun is menge pengulu te kada tribu te Israel te kedtiǥum te menge etew te Megbevayà. 400,000 sikandan is langun he menge sundaru he neǥumeenan te ispada.

Zatù 20:26

Umbe, mid-uman en maan medtekezeg diyà te Betel is langun he menge Israilihanen ne midsineǥew zan. Neminuu zan, ne mibpuasa zan diyà te etuvangan te Nengazen dutun he andew taman te kebmezukilem. Nemuhat dan te menge pemuhat he edtutungen wey menge pemuhat he para te meupiya he kedepità.

Zatù 20:8

Nesevaha is menge etew zutun te kegkaǥi te, “Wazà med-ulì kenitew minsan sevaha.

Zatù 21:5

Mibpein-inseey sikandan ke hengkey he tribu te Israel is wazà medhendutun te tiǥum dan diyà te etuvangan te Nengazen diyà te Mizpa, su nekepenangdù sikandan he edhimetayan is kenà edhendiyà.

1 Samuel 10:17

Ne mibpesuǥuan ni Samuel is menge Israilihanen diyà te Mizpa su ebpenudtulen din kandan is migkaǥi te Nengazen.

1 Samuel 3:20

Umbe, migkilala sikandin te tivuuk he Israel puun te Dan pehendiyà te Beersheba he sevaha sikandin he ebpeneuven te Nengazen.