Zatù 2:21 - Manobo Western Bukidnon OT

²¹ kenè ku en edsegseǥen is menge etew he nesamà dutun te tanà he wazà mesakup ni Josue zutun te uuyag pa sikandin.

Zatù 2:21 교차 참조

Ezekiel 20:24

su wazè dan tumana is menge suǥù ku wey menge sulunuzen, wey wazè dan isipa he segradu is Andew te Kedhimeley he impetuman ku kandan. Iyan dan hinuun impelavi is ked-azap te menge ed-ezapen te menge kepuun dan.

Josue 23:13

siguradu kenè en edsegseǥen te Nengazen he Megbevayè niw heini he menge etew. Egkehimu sikandan he pekaid keniyu. Egkesekitan kew tenged kandan he henduen be te edletiguwen is menge peka niw etawa edtiyuken te zuǥi is menge mata niw. Ne kenà heini egkeengked taman te kebpemematey niw kayi te meupiya he tanà he imbeǥey keniyu te Nengazen he Megbevayè niw.

Josue 23:4

Mibahinbahin ku en keniyu he para egkepengevilin te menge tribu niw is langun he tanà kayi te menge nasyun he naaǥew ku. Heini he tanà puun te Wahig he Jordan diyà dapit te edsilaan pehendiyà te Zaǥat he Mediteraneo diyà te edsenlepan. Elin daan is menge tanà te menge etew ziyà te menge nasyun he wazè tew pa maaǥew.

Josue 23:5

Egkehimu he egkeangken niw zed is menge tanè dan, sumalà te impesarig keniyu te Nengazen he Megbevayè niw. Su edsegseǥen sikandan te Nengazen.

Zatù 1:1

Hein minatey en si Josue, mid-insà is menge Israilihanen diyà te Nengazen ke hentei zuen te menge tribu zan is edhuna ebpekidtebek te menge Canaanhen.

Zatù 2:3

Umbe ǥuntaan, kenè ku sikandan edsegseǥen puun te tanè niw. Ne egkeiring sikandan te zuǥi ziyà te ibayè niw, ne sikan is ebpen-ezapen dan egkehimu he zekelà he penggezam keniyu.”

Zatù 3:1

Midsemaan te Nengazen te menge etew is Canaan su egezaman din is menge Israilihanen he wazà mekesaǥad te kebpekidtebek diyà te Canaan.

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.