Zatù 2:11 - Manobo Western Bukidnon OT

¹¹ Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.

Zatù 2:11 교차 참조

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 38:7

Piru mezaat is ulaula ni Er ziyà te etuvangan te Nengazen, umbe midhimetayan sikandin te Nengazen.

1 Hadì 11:5

Mid-azap din si Ashtoret, kes vahi he ed-ezapen te menge Sidunhanen, wey si Molec, kes utew mezaat he ed-ezapen te menge Amunihanen.

1 Hadì 18:18

Midtavak si Elias te, “Kenà a iyan ebpendezaat te Israel, kekenà, iyan ka wey is pemilya te amey nu. Su wazè niw tumana is menge suǥù te Nengazen wey mid-azap niw is menge ledawan ni Baal.

1 Hadì 22:53

Mid-azap din wey midsilbiyan din si Baal, ne pinaaǥi kayi midhimu zin he mepauk is Nengazen he Megbevayà te Israel, iring te mibeelan te amey zin.

2 Cronica 28:2

Iyan midsunud din is menge ulaula te menge hadì te Israel, ne mibaal te mital he ledawan ni Baal.

2 Cronica 28:3

Midtutung sikandin te menge pemuhat diyà te Suǥud-suǥud te Ben Hinom, ne minsan is anak din impemuhat din diyà te hapuy. Mid-iringan din is utew mezaat he menge vaal te menge etew ziyà te menge nasyun he impesegseg te Nengazen te menge Israilihanen.

2 Cronica 33:6

Impemuhat din is menge anak din diyà te hapuy diyà te Suǥud-suǥud te Ben Hinom. Mibeelan din daan is baal te menge veyilan, menelagnà wey menge mememarang, ne ebpenginginsà daan diyà te menge veyilan he ebpekidlalag te ǥimukud te nemematey en. Utew subra is kebaal zin te salà diyà te Nengazen, ne ingkepauk heini te Nengazen.

Ezra 8:12

si Johanan he anak ni Hakatan wey is menge zuma zin he 110 he menge maama, he ebpuun diyà te pemilya ni Azgad

Nehemias 9:26

“Piru minsan pa te iyan haazà, midsupak dan wey nekidsukulà kenikew. Mid-iniyuǥan dan is Kesuǥuan nu. Mibpenhimetayan dan is menge ebpeneuven nu he ed-umew kandan te kedlikù diyà te kenikew. Utew subra is kedsumpelita zan kenikew!

Salmo 78:56

Iyan, migezaman dan is Utew Lavew he Megbevayà, su midsupak dan sikandin ne wazè dan tumana is menge suǥù din.

Jeremias 11:10

Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 16:11

Keǥiyi nu sikandan he iyan heini tavak ku: Iyan imbeeli ku kayi is geine te inselikwey a te menge kepuun niw. Nenilbi zan wey mid-azap te zuma he menge ed-ezapen. Inselikwey e zan ne wazè dan tumana is menge kesuǥuan ku.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 9:14

Iyan dan nasì midsunud is kemesinupaken te ǥehinawa zan. Mid-azap dan is duma he menge ed-ezapen sumalà te impenurù kandan te menge kepuun dan.

Numero 25:3

Umbe, neketampu is menge Israilihanen te ked-azap ki Baal ziyà te Peor. Ne utew sikandan nepeuki te Nengazen.

Deuteronomio 31:16

Ne migkaǥi is Nengazen diyà te ki Moises te, “Meǥaan ke en ebpatey ne ebpekaamur ka ziyà te menge kepuun nu. Emun wazè ke en, ne heini he menge etew ed-azap te zuma he menge ed-ezapen he ed-ezapen te menge etew ziyà te tanà he ebpeveyaan dan. Ed-iniyuǥan e zan ne edrepasen dan is kebpekid-uyun ku kandan.

Deuteronomio 4:25

“Dutun te huziyan he timpu, emun ebpemenganak kew wey ebpen-epuen kew en, ne ebpekeubpè kew en dutun te tanà seled te meluǥayad he timpu, kenè niw remeriki is keugelingen niw pinaaǥi te kebaal te ledawan he ed-ezapen minsan hengkey he purma. Su mezaat is ked-ahaa kayi te Nengazen he Megbevayè niw ne igkepauk din heini.

Zatù 10:10

Umbe, mibuyù te tavang is menge Israilihanen diyà te Nengazen. Ke sikandan te, “Nekesalè key ziyà te kenikew, su mid-iniyuǥan dey sikew is Megbevayè dey su iyan dey mid-azap is menge ledawan te ed-ezapen he si Baal.”

Zatù 10:6

Mid-uman en maan mebaal is menge Israilihanen te mezaat he igkepauk te Nengazen. Mid-iniyuǥan dan is Nengazen su iyan dan mid-azap is menge ledawan te ed-ezapen he si Baal wey si Ashtoret, wey is menge ed-ezapen diyà te Aram, Sidon, Moab, Ammon, wey Filistia.

Zatù 13:1

Mibaal en maan is menge Israilihanen te igkepauk te Nengazen, umbe impesakup sikandan te Nengazen te menge Filistihanen seled te 40 he tuig.

Zatù 3:12

Mid-uman en maan mebaal is menge Israilihanen te mezaat diyà te etuvangan te Nengazen. Ne tenged dutun midhimu te Nengazen he mesakup sikandan ni Hadì Eglon he hadì te Moab.

Zatù 3:7

Mezaat is mibeelan te menge Israilihanen diyà te etuvangan te Nengazen, su midlipatan dan is Nengazen he Megbevayè dan, ne mid-azap dan is menge ledawan ni Baal wey ni Ashera.

Zatù 4:1

Hein minatey en si Ehud, mid-uman en maan mebaal is menge Israilihanen te mezaat diyà te etuvangan te Nengazen.

Zatù 6:1

Ne mibaal en maan is menge Israilihanen te mezaat diyà te etuvangan te Nengazen, umbe impesakup sikandan te Nengazen te menge Midianhen seled te pitu he tuig.

Zatù 6:25

Dutun daan he kezukileman migkaǥi is Nengazen diyà te ki Gideon te, “Kuwaa nu is ikezuwa he kineupiyahan he vaka te amey nu, sikan is pitu en he tuig. Ne bengkaǥa nu is pemuhatà he para ki Baal he mibangun te amey nu wey elin penempeza nu is tukud he simbulu te vahi he ed-ezapen he si Ashera he avey zuen te pemuhatà.

Zatù 8:33

Ne wazè en meuǥet is kebpatey ni Gideon, ne mid-iniyuǥan en maan te menge Israilihanen is Megbevayà ne iyan dan en maan ed-ezapen is menge ledawan te ed-ezapen he si Baal. Midhimu zan si Baal Berit he megbevayè dan.

1 Samuel 12:10

Mibuyù dan te tavang diyà te Nengazen. Ke sikandan te, ‘Nekesalè key, Nengazen. Mibelaǥad dey sikew su iyan mid-azap dey is ledawan ni Baal wey ni Ashtoret. Piru ǥuntaan, luwasa key puun te gehem te menge kuntada zey, ne ed-ezapen dey sikew.’

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”

1 Samuel 7:4

Ne zutun impenimbag dan en kes ledawan ni Baal wey ni Ashtoret, ne puun dutun ne Nengazen dà is midsilbiyan dan.