8 Kegkemeselem, dutun te ikelima he andew, midhimes sikandan su egenat dan, iyan, migkaǥi en maan is enuǥang din te, “Kaan kew zèpa ne kengkuwan kew en te mahapun genat.” Umbe migkaan sikandan.
Ne hein heepat en he andew, midselem med-enew sikan is Levihanen wey is suluǥuen din, ne midhimes dan su ed-ulì dan. Iyan, migkaǥi haazà is enuǥang din he maama te, “Kaan kew zèpa ne human kew ǥenat.”
Ne hein egenat en haazà is Levihanen wey sikan is esawa zin wey suluǥuen din, migkaǥi en maan haazà is enuǥang din te, “Mahapun en, ne meǥaan en egkezukilem. Deyzey ke ed-uman kew en dini edhizeǥà. Lipeylipey kew zèpa zini ne keeselem kew en ulì ke meselem.”
