Zatù 19:5 - Manobo Western Bukidnon OT

⁵ Ne hein heepat en he andew, midselem med-enew sikan is Levihanen wey is suluǥuen din, ne midhimes dan su ed-ulì dan. Iyan, migkaǥi haazà is enuǥang din he maama te, “Kaan kew zèpa ne human kew ǥenat.”

Zatù 19:5 교차 참조

Genesis 18:5

Ne ituǥut niw zaan he ibpekaan dey pa sikiyu te zeisek su wey kew meulii te zesen te kenè kew pa edlaus te hipenawan niw su iyan buwa heini ketezengan ke maan is imbanglis kediey is kedhendini niw te kediey te suluǥuen niw.” Ne zutun midtavak dan te, “Uya, meupiya iyan ke egkeulaula haazà is migkaǥi nu.”

1 Hadì 13:7

Ne mid-umanan keǥiyi zutun te hadì haazà is suluǥuen te Megbevayà te, “Duma ka kedì diyà te valey ne kaan ka, ne ebeǥayan ku sikew te gasa.”

Salmo 104:15

Duen binu he ebpekelipey kandan, duen lana he ibmesinew te zagwey zan, wey zuen keenen he ebpekepezesen te lawa zan.

Zatù 19:4

Ne mibpeǥes sikandin dutun te enuǥang din he kenè en dèpa megenat. Umbe zutun sikandin te valey te enuǥang din seled te tetelu he andew.

Zatù 19:8

Kegkemeselem, dutun te ikelima he andew, midhimes sikandan su egenat dan, iyan, migkaǥi en maan is enuǥang din te, “Kaan kew zèpa ne kengkuwan kew en te mahapun genat.” Umbe migkaan sikandan.

1 Samuel 30:12

wey sengekemkem he ingkagkag he higus wey dezuwa he akup he pasas, su tetelu he andew he wazà mekekaan wey wazà mekeinum, ne hein nekekaan wey nekeinum sikandin ne human pa mebmezesen sikandin.