Zatù 19:2 - Manobo Western Bukidnon OT

² Iyan, midluib kandin haazà is esawa zin, ne mid-ulì diyà te valey te ginikanan din diyà te Betlehem, ne zutun sikandin seled te heepat he vulan.

Zatù 19:2 교차 참조

Ezekiel 16:28

“ ‘Mibpelelevag ke zaan diyà te menge tig-Asiria su wazè ke pa meperahi. Ne hein nepasad haazà wazè ke pa iyan meperahi.

Leviticus 21:9

Emun duen niw anak he vahi he ebpeelimungew keniyu tenged te kebelegyè din te zengeg din, ne tenged dutun ed-isipen sikandin he meremerik, kinahanglan he ebinsulan sikandin.

Deuteronomio 22:21

ne ed-uwiten haazà is bahi diyà te etuvangan te valey te amey zin ne edtulengen sikandin te vatu te menge maama zutun te inged taman te kebpatey zin. Su mekeeled-eled he vaal is mibeelan din diyà te Israel pinaaǥi te kebpehilavet dutun te ziyè pa sikandin ed-ubpà te valey te amey zin. Kinahanglan he id-awè niw heini he mezaat he vaal ziyà te keniyu.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Zatù 19:1

Dutun he timpu te wazè pa hadì te Israel, duen sevaha he Levihanen he meǥinged diyà te meziyù he vahin diyà te vuvungan te Efraim. Heini he Levihanen migkuwa sikandin te vahi he mid-esawa zin puun te Betlehem he sakup te Juda.

Zatù 19:3

Ne midisisyun sikan is Levihanen he edtelukunan din haazà is esawa zin ne edhengyuan din he ed-uman sikandan ebpeemurà. Umbe migenat sikandin duma te sevaha he suluǥuen din wey zezuwa he asnu. Ne hein nekeume en sikandin, impelaus sikandin duen te vahi. Ne hein naahà sikandin duen te amey te vahi, mibpurungan din sikandin seǥipaa.