Zatù 19:1 - Manobo Western Bukidnon OT

¹ Dutun he timpu te wazè pa hadì te Israel, duen sevaha he Levihanen he meǥinged diyà te meziyù he vahin diyà te vuvungan te Efraim. Heini he Levihanen migkuwa sikandin te vahi he mid-esawa zin puun te Betlehem he sakup te Juda.

Zatù 19:1 교차 참조

Genesis 22:24

Duen pa menge anak ni Nahor ziyà te sevaha he esawa zin he si Reuma. Iyan ensi Tiba, Gaham, Tahash wey si Maaca.

Genesis 25:6

Piru te wazè pa mebpatey si Abraham, duen daan impemeǥey zin diyà te menge anak din he maama he anak te zuma he menge esawa zin, ne ziyè din sikandan ipeubpà te tanà he zapit te edsilaan, he meziyù te anak din si Isaac.

Genesis 35:19

Ne mibpatey zutun si Raquel ne ziyè dan ileveng te uvey te zalan pehendiyà te inged he Efrat. (Ne haazà is inged he Efrat ne iyan guntaan inged he Betlehem.)

2 Samuel 16:22

Ne zutun mibaal zan te tulda he ebpeubpaan ki Absalom duen te atep te turuǥan, ne naahà te menge etew he midseled dutun sikandin he edhulid te menge esawa te amey zin.

2 Samuel 19:5

Ne midhendiyà si Joab te valey te hadì ne migkaǥi te, “Mibpeel-elezan nu ǥuntaan he andew is menge sakup nu he midluwas kenikew wey te menge anak nu wey te menge esawa nu.

2 Samuel 20:3

Hein nekelikù si David diyà te turuǥan din diyà te Jerusalem, ne impaangey zin kes sepulù he esawa zin he intaǥak din he para ed-etiman duen te turuǥan, ne zuen ibpevantey zin kandan. Ne mibeǥayen din sikandan te kinahanglan dan, piru wazè din en hulizi sikandan. Ne zutun en sikandan med-ubpà he henduen be te menge valu taman te kebpatey zan.

2 Samuel 3:7

Ne sevaha he andew, migkeǥiyan ni Ishboshet si Abner te, “Maan is midhulizan nu is sevaha he esawa te amey ku he si Saul?” Is bahi he ibpesavut ni Ishboshet iyan si Rizpa he anak ni Aya.

2 Samuel 5:13

Hein midhalin si David diyà te Jerusalem is ebpuun diyà te Hebron, mahabet pa is mid-esawa zin; is duma he mid-esawa zin ne kenà lavew is ked-etew, ne neumanan is menge anak din.

1 Hadì 11:3

Duen 700 he lavew he menge esawa ni Solomon wey zuen pa 300 he menge esawa zin he kenà lavew. Is menge esawa zin nekeǥuyud kandin wey sikandin mekeziyù te Megbevayà.

1 Hadì 4:8

Iyan heini menge ngazan dan: Si Ben Hur, is gubirnedur ziyà te vuvungan te Efraim.

2 Cronica 11:21

Iyan utew pelanggà ni Rehoboam he esawa zin si Maaca. 18 is menge esawa ni Rehoboam he dungganen ne zuen pa 60 he esawa zin he kenà dungganen. Ne 28 is anak din he menge maama ne 60 is menge vahi.

Ester 2:14

Is kada sevaha kandan kinahanglan he mezukilem is kedhendiyè din te hadì ne kegkemeselem dutun ibpeulì sikandin, diyà te turuǥan he mibpeubpaan te menge esawa te hadì. Ne zutun sikandin ed-elimahi te sevaha he kapun he sineriǥan he si Shaashgaz. Si Shaashgaz, insarig kandin dutun te hadì is ked-elima te menge esawa zin. Ne haazà is bahi, kenè en ibpelikù dutun te hadì gawas ke nesuatan sikandin dutun te hadì su ibpetawag din man sikandin.

Malakias 2:15

Kenè be sikiyu is teleesawa, midsevaha te Nengazen is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.

Josue 24:30

Inleveng sikandin diyà te tanè din diyà te Timnat Sera, ziyà te vuvungan te Efraim, he zizaya te Buntud he Gaash.

Josue 24:33

Minatey zaan si Eleazar is anak ni Aaron ne inleveng diyà te Gibea, kes inged diyà te vuvungan te Efraim he imbeǥey ziyà te anak din he si Finehas.

Zatù 12:8

Hein minatey en si Jefta, iyan nekeilis kandin te kebpengulu te Israel si Ibzan he tig-Betlehem.

Zatù 17:1

Duen sevaha he etew he meǥinged diyà te vuvungan te Efraim he iyan ngazan din si Micas.

Zatù 17:6

Dutun he timpu, wazà hadì diyà te Israel, umbe ebpegustu en is kada sevaha ke hengkey is egkesuatan din te ebaal.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Zatù 17:8

Ne sevaha he andew, midhipanew sikandin is ebpen-ahà te egkeubpaan din diyà te zuma he lugar. Dutun te kedhipanew zin, nekeuma sikandin diyà te valey ni Micas he ziyà te vuvungan te Efraim.

Zatù 18:1

Dutun he timpu wazà hadì diyà te Israel. Ne zutun daan he timpu, is tribu ni Dan nengahà te lugar he egkeubpaan dan he egkehimu he kandan en he keugelingen. Su ziyà te menge tribu te Israel, iyan is tribu ni Dan wazè pa mekekuwa te tanà he kandan he egkepengevilin.

Zatù 18:13

Ne puun dutun, mibpedayun sikandan medhipanew taman te nekeuma sikandan diyà te valey ni Micas he ziyà te vuvungan te Efraim.

Zatù 19:16

Ne hein mezukilem en, duen sevaha he meǥurang he maama he mid-ulì puun te midterebehuwan din he pemuleey zin. Heini he meǥurang, diyà dengan med-ubpà te vuvungan te Efraim, piru midhalin sikandin diyà te Gibea. Heini is Gibea ragkes te tanà te tribu ni Benjamin.

Zatù 19:2

Iyan, midluib kandin haazà is esawa zin, ne mid-ulì diyà te valey te ginikanan din diyà te Betlehem, ne zutun sikandin seled te heepat he vulan.

Zatù 21:25

Dutun he timpu, wazà hadì te Israel, umbe ebaal en te egkesuatan din te ebaal is kada sevaha kandan.

Zatù 3:27

Kebpekeuma zin, mibpezaǥing sikandin te vudyung diyà te vuvungan te Efraim su ed-umawen din is menge Israilihanen su ebpekidtebek dan. Ne midtupang puun dutun te vuvungan is menge Israilihanen he ebpenguluwan ni Ehud.