Zatù 18:6 - Manobo Western Bukidnon OT

⁶ Midtavak haazà is memumuhat te, “Kenà mesemuki is isip niw. Eduma keniyu is Nengazen kayi te hipanew niw.”

Zatù 18:6 교차 참조

1 Hadì 22:12

Iyan daan haazà migkaǥi te langun he menge ebpeneuven. Migkaǥi sikandan te, “Surunga nu is Ramot Gilead, Hadì Ahab ne ebpekezaag ka, su ibeǥey heini kenikew te Nengazen.”

1 Hadì 22:15

Kebpekeuma ni Micaya ziyà te ki Hadì Ahab ne mid-insaan sikandin dutun te hadì te, “Micaya, edsurungen dey ve is Ramot Gilead etawa kenà?” Midtavak si Micaya te, “Surunga niw ne ebpekezaag kew, su ibeǥey heeyan kenikew te Nengazen.”

1 Hadì 22:6

Umbe, impetawag ni Ahab is menge ebpeneuven–400 sikandan langun, ne mid-insà te, “Egenat e ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Nengazen he mekezaag ka!”

Salmo 33:18

Ebentayan te Nengazen is menge edtahud kandin, he edsarig te kebmahala zin kandan.

Exodus 4:18

Ne mid-ulì si Moises diyà te enuǥang din he si Jetro ne migkeǥiyan din te, “Tuǥuti a kenikew te kedlikù diyà te menge kezumahan ku ziyà te Ehipto te ked-ahà ke menge uuyag ded be sikandan.” Ne midtavak si Jetro te, “Uya, egkehimu he egenat ka, ne verakat he meupiya is hipanew nu.”

Jeremias 23:32

Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Deuteronomio 11:12

Heini he tanà ed-etimanen te Nengazen he Megbevayè niw; andew-andew is kebentayi zin kayi seled te tivuuk he tuig!

Zatù 18:5

Ne migkeǥiyan dan sikandin, “Geina te memumuhat ke ves, ne insai nu is Megbevayà ke melempusen be heini is hipanew zey.”

Zatù 18:7

Midlaus medhipanew heini is lelima he maama ne nekeuma sikandan diyà te Laish. Neehè dan he dezeyaan is ked-ubpà te menge etew zutun iring te menge Sidunhanen. Melinew heini he lugar. Ne meupiya is kebpekesavuk dan su wazà midsamuk kandan etawa migezam medsakup kandan. Heini he lugar meziyù te menge Sidunhanen, ne wazè dan mebpekidsevaha te zuma.

1 Samuel 1:17

Migkaǥi si Eli te, “Hipanew kad ne kenè ke en maan meseeng. Berakat he is Megbevayà te Israel ne ibeǥey zin kenikew is ebuyuen nu kandin.”