Zatù 18:5 - Manobo Western Bukidnon OT

⁵ Ne migkeǥiyan dan sikandin, “Geina te memumuhat ke ves, ne insai nu is Megbevayà ke melempusen be heini is hipanew zey.”

Zatù 18:5 교차 참조

1 Hadì 22:5

Piru ed-insaan ta zep-a is Nengazen ke hengkey is kandin he egkekaǥi.”

2 Hadì 16:15

Ne mibmenduan din si Uria he memumuhat te, “Gemita nu heini is beǥu he pemuhatà emun ebpemuhat ka te menge pemuhat he edtutungen kada meselem wey te menge pemuhat he para gasa kada mezukilem. Gemita nu zaan heini emun ebpemuhat ka te menge pemuhat he edtutungen wey menge pemuhat he para gasa he pemuhat te hadì wey te menge etew, ragkes en is pemuhat he inumen kada mezukilem. Ipirik nu kayi te veǥu he pemuhatà is lengesa te pemuhat he edtutungen wey zuma pa he klasi te menge pemuhat. Ne heeyan is brunsi he pemuhatà edhimuwen ku he kedì he empuey.”

Isaias 30:1

Migkaǥi is Nengazen te, “Mekehizuhizu is menge anak ku he menge mesinukulen. Mibpelanu sikandan te menge pelanu he supak te egkesuatan ku. Nekid-uyun sikandan te zuma te kandan dà he ketau, ne kenà kediey. Umbe mid-iseg medekelà is salè dan.

Ezekiel 21:21

Su is hadì te Babilonia edhitindeg diyà te lembaǥan keniyan te zezuwa he kersada ne ibarè din ke hendei zutun te zezuwa is ed-ikulen din pinaaǥi te kedhubus te vesut te panà, wey kedsusi te atey te uyaǥen he impemuhat, wey ked-insà diyà te menge ed-ezapen.

Hoseas 4:12

Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Zatù 17:13

Migkaǥi si Micas te, “Guntaan, siguradu he edtuvazan a te Nengazen su zuen ku en memumuhat he Levihanen.”

Zatù 17:5

Duen keugelingen ni Micas he simbahan he para te menge ed-ezapen. Ne mibaal sikandin te ipud wey menge ledawan. Midhimu zin he memumuhat is sevaha te menge anak din he maama.

Zatù 18:14

Ne sikan is lelima he maama he neniid diyà te Laish migkaǥi ziyà te menge zuma zan te, “Netuenan niw ve he is sevaha te menge valey kayi ne zuen duen ipud, duen daan ledawan he mid-epizan te pelata, wey zuma pa he menge ed-ezapen? Isip-isip kew ke hengkey is meupiya he ebeelan tew.”

Zatù 18:4

Midtudtul zin diyà te kandan is mibeelan ni Micas kandin, ne migkaǥi sikandin te, “Iyan terebahu ku kayi is memumuhat a ni Micas, ne edsuhulan e zin.”

Zatù 18:6

Midtavak haazà is memumuhat te, “Kenà mesemuki is isip niw. Eduma keniyu is Nengazen kayi te hipanew niw.”

1 Samuel 9:9

Migkeǥiyan ni Saul sikandin te, “Meupiya utew! Kuwa ke en, edhendiyè ki te ebpeneuven.” (Te nehuna en he menge penahun te Israel, emun duen etew he egkesuat he ebpekezineg te lalag he ebpuun te Megbevayà, egkaǥi te, “Kuwa ke en, edhendiyè ki te menenagnà,” su is egngezanan guntaan te ebpeneuven ne iyan ngazan din dengan is menenagnà.) Midhendiyà si Saul wey kes suluǥuen te inged he zutun med-ubpà kes ebpeneuven te Megbevayà.