Zatù 18:20 - Manobo Western Bukidnon OT

²⁰ Ingkesuat dutun te memumuhat haazà is migkaǥi zan kandin, umbe mid-uǥup en sikandin te kebpenguwa zuen te ipud, menge ledawan he mid-epizan te pelata, wey zuma pa he menge ed-ezapen, ne miduma sikandin kandan.

Zatù 18:20 교차 참조

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Erubasa 30:15

Is etew he zekelà is kadar zin ne iring te limatek. Layun dà egkaǥi te, “Beǥayi a!” Duen daan tetelu etawa heepat he kenà egkeperahan:

Zatù 17:10

Ne migkaǥi si Micas te, “Kayi ke en ubpà te kedì. Edhimuwen ku sikew he sumesambag ku wey memumuhat. Ne kada tuig ebeǥayan ku sikew te sepulù he vuuk he pelata, ne kenè en heeyan ragkes te visti wey keenen he ibeǥey ku kenikew.”

Leviticus 26:1

Kenè kew mebaal te menge ed-ezapen iring te ledawan, tedeman he vatu, etawa mibpurma he vatu, he ed-ezapen niw, su iyan a is Nengazen Megbevayè niw.

Zatù 18:19

Midtavak sikandan te, “Kenè ka gusà. Duma ka kenami su edhimuwen dey sikew he memumuhat wey sumesambag. Kenè be meupiya pa ke egkehimu ka he memumuhat te sevaha he tribu te Israel kenà te memumuhat ke zà te senge pemilya?”

Zatù 18:21

Ne zutun te kedhipanew zan, diyà ipelastar te egkehunaan is menge anak dan, sunud is menge uyaǥen dan, wey menge gelemiten dan.

Ezekiel 21:21

Su is hadì te Babilonia edhitindeg diyà te lembaǥan keniyan te zezuwa he kersada ne ibarè din ke hendei zutun te zezuwa is ed-ikulen din pinaaǥi te kedhubus te vesut te panà, wey kedsusi te atey te uyaǥen he impemuhat, wey ked-insà diyà te menge ed-ezapen.