Zatù 17:10 - Manobo Western Bukidnon OT

¹⁰ Ne migkaǥi si Micas te, “Kayi ke en ubpà te kedì. Edhimuwen ku sikew he sumesambag ku wey memumuhat. Ne kada tuig ebeǥayan ku sikew te sepulù he vuuk he pelata, ne kenè en heeyan ragkes te visti wey keenen he ibeǥey ku kenikew.”

Zatù 17:10 교차 참조

Genesis 45:8

Umbe, kenè kew iyan mibpuwit kayi kedì, kekenà, iyan is Megbevayà. Midhimu e zin he peresambag te hadì kayi te Ehipto wey ibpezumala te pemilya zin, wey edumala te tivuuk he ginhedian te Ehipto.

2 Hadì 13:14

Hein uuyag pa si Hadì Jehoash, nezeruwan si Elisha ne henduen be te ebpatey en sikandin. Midhendiyà si Hadì Jehoash te kandin ne midsineǥew haazà is hadì. Ke si Jehoash te, “Amey ku! Amey ku! Is menge kerwahi wey is menge perekerwahi te Israel!”

2 Hadì 2:12

Ne naahà heini ni Elisha ne nekevensag sikandin te, “Amey ku! Amey ku! Is menge kerwahi wey is ebpen-untud te menge kerwahi te Israel!” Ne hein wazè din en maahà si Elias, midliwazè din bindasa is kumbalè din su ibpeehè din he neseeng sikandin.

2 Hadì 6:21

Ne hein naahà sikandan duen te hadì te Israel, mid-insaan din si Elisha te, “Datù, hengkey is kenikew? Ebpenhimetayan ku en be sikandan?”

Job 29:16

Nehimu a he amey te menge pubri; minsan is menge lumelengyawà, midtevangan ku te menge kasu zan.

Isaias 22:21

Ibpeǥamit ku kandin is bisti nu, wey vakes nu he para te kegkeupisyal nu, ne ibeǥey ku kandin is keǥehem nu. Ne egkeiring sikandin te amey te menge tig-Jerusalem wey menge tig-Juda.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Zatù 17:11

Ne mid-uyun haazà is Levihanen dutun te migkaǥi ni Micas ne mid-isip sikandin ni Micas he sevaha te menge anak din.

Zatù 17:9

Mid-insaan sikandin ni Micas te, “Hendei ka ebpuun?” Midtavak sikandin te, “Tig-Betlehem a he sakup te Juda. Ne sevaha a te menge Levihanen. Ebpen-ahà a te egkeubpaan ku.”

Zatù 18:4

Midtudtul zin diyà te kandan is mibeelan ni Micas kandin, ne migkaǥi sikandin te, “Iyan terebahu ku kayi is memumuhat a ni Micas, ne edsuhulan e zin.”

1 Samuel 2:36

Ne is egkesamà te kevuwazan nu, ne ebpehizuhizu sikandan te menge kevuwazan te heini he memumuhat he veǥayi zin sikandan te selapì wey egkekaan. Edhangyù sikandan he himuwa sikandan he timbang he menge memumuhat su wey zan duen egkekaan.”