Zatù 16:6 - Manobo Western Bukidnon OT

⁶ Umbe, mid-insaan ni Delila si Samson. Ke sikandin te, “Keǥiyi a kenikew te hinungdan ke maan is utew ka mezesen. Wey penenglitan duen ebakus etawa edakep kenikew ebmenmenuwen din heini te ebaal?”

Zatù 16:6 교차 참조

Nehemias 6:4

Keheepat e zan peuwiti te iyan ded he lalag, ne keheepat ku zaan sikandan tevaka te iyan ded he lalag.

Salmo 12:2

Langun he menge etew ne ebpemenarùtarù diyà te menge zuma zan. Egemiten dan is meungangen he menge lalag te kebpenlimbung dan.

Erubasa 22:14

Is kegkaǥikaǥi te vahi he lebag ne ebpeketintal, iring te mezalem he vudsi, ne heini he vudsi ne egkeulug kayi is egkeepesan te Nengazen.

Erubasa 26:28

Egkeepesan te teruen he etew is menge etew he mibiktima zin pinaaǥi te kedtarùtarù. Is etew he edigdig kenikew ebpekezezaat kenikew.

Erubasa 6:26

Su is kebpekidhilavet te vahi he ebelegyà te zengeg din, utew ebpekepepubri zutun te edhilavet, piru kedhilavet te esawa te zuma, ne ebeyazan nu te untung.

Erubasa 7:21

Pinaaǥi te keungangen te menge lalag din neuwit din haazà is maama.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Micas 7:5

“Ne ǥuntaan te utew en mezaat is ulaula te menge etew, ne kenè kew en sarig te menge emiǥu niw, minsan is utew niw menge emiǥu. Ne pekeventayi niw is menge lalag niw minsan diyà te minahal niw he esawa.

Zatù 14:17

Puun dutun midtulung en medsineǥew haazà is bahi taman te ikepitu he andew. Umbe nekaǥi ni Samson diyà te kandin is entuk su ǥeina te edteǥel sikandin. Ne is migkaǥi ni Samson diyà te kandin ne migkaǥi zin duen te menge zuma zin he Filistihanen.

Zatù 16:5

Ne zutun, midhendiyà te ki Delila is menge pengulu te menge Filistihanen ne migkeǥiyan dan sikandin te, “Hengyui nu sikandin he keǥiya zin kenikew is hinungdan ke maan is utew sikandin mezesen wey ke ebmenmenuwen is kedaaǥa kandin, su wey zey sikandin mevakus su wey zey mevihag. Emun egkeveelan nu en heeyan, is kada sevaha kenami ebeǥey ziyà te kenikew te 1,100 he vuuk he pelata.”

Zatù 16:7

Midtavak si Samson te, “Emun ebekusen a te pitu he mehilew pa he tabpes te panà, egkeiring dà is desen ku te zesen te zuma he menge etew.”