Zatù 15:6 - Manobo Western Bukidnon OT

⁶ Mid-insà is menge Filistihanen ke hentei is mibaal zutun, ne netuenan dan he iyan si Samson. Ne netuenan dan daan he iyan imbeeli zutun ni Samson su geina te impeesawa te enuǥang ni Samson he tig-Timnah is esawa ni Samson duen te avey ni Samson. Umbe mibpen-ehè dan sikan is bahi wey is amey zin ne mibinsulan dan.

Zatù 15:6 교차 참조

Erubasa 22:8

Is ebpemula te kelelalung ebpekeraǥun te kezeetan, ne kenè en ebpekependezaat te zuma.

Zatù 12:1

Dutun he timpu, midtiǥum is menge sundaru te Efraim para te kebpekidtebek, ne midlayun sikandan te Wahig he Jordan ne midhendiyè dan te Zafon su ed-etuvangen dan si Jefta. Migkaǥi sikandan diyà te kandin te, “Maan is wazè key kenikew ipetukew hein nekidtebek kew te menge Amunihanen? Tenged kayi te mibeelan nu ne ebinsulan dey is baley nu ne idragkes dey sikew.”

Zatù 14:15

Ne hein ikeepat en he andew, migkeǥiyan dan is esawa ni Samson te, “Hengyui nu is esawa nu he kegiya zin diyà te kenikew is entuk duen te peentukè din su wey zey metueni. Su emun kenè nu heini ebeelan, ne ebinsulan dey sikew wey is pemilya te amey nu. Su iyan dè bes in-imbitaha niw kenami kayi te keemuran is egkuwaan niw is azen dey?”

Zatù 15:5

Mibpenemteman din haazà ne impaawè din haazà is menge leew he asu ziyà te menge trigu te menge Filistihanen. Nevinsulan is langun he trigu, kenà iyan dà is neeǥani en, kekenà, ragkes en is wazè pa meeǥani. Nevinsulan daan is menge pemuleey te paras wey menge ulibu.

Zatù 15:7

Migkeǥiyan ni Samson is menge Filistihanen te, “Tenged kayi te mibeelan niw, ne kenà a ed-engked he ebpenhimatey taman te ebpekevales a keniyu.”