Zatù 13:23 - Manobo Western Bukidnon OT

²³ Piru midtavak is esawa zin te, “Emun edhimetayan ki te Nengazen, wazè din pezem dewata is menge pemuhat ta. Wey wazè din daan pezem ipaahà kenita is egkein-inuwan etawa ipenudtul kenita ǥuntaan heini is mehitenged te vatà.”

Zatù 13:23 교차 참조

Salmo 20:4

Berakat he iveǥey zin kenikew is ebpengeduyen nu. Berakat he medlampus is menge pelanu nu.

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Salmo 27:13

Piru midtuu a he egkeseǥazan ku is keupiya nu mintras ebpengungubpaan e pa kayì te tanà.

Salmo 86:17

Ipetuusi nu kayi te kediey is keupiya nu su wey mepeel-elezi is menge kuntada ku ke egkeehè dan haazà. Su iyan ka, Nengazen, edtavang wey ebeǥey kedì te kelipey.

Erubasa 3:32

Su egkeepesan te Nengazen is etew he mesinupaken, iyan, ebpekid-emiǥu mulà sikandin te etew he metazeng.

Zatù 13:24

Ne neuma is timpu te ked-anak te esawa ni Manoa. Maama is in-anak din ne migngezanan dan ki Samson. Midekelà haazà is batà ne midtuvazan te Nengazen.