Zatù 13:18 - Manobo Western Bukidnon OT

¹⁸ Midtavak haazà is belinsuǥuen te Nengazen te, “Maan is egkesuat ka he metueni nu is ngazan ku? He mereǥen man heini he edsevuten.”

Zatù 13:18 교차 참조

Genesis 32:29

Ne migkeǥiyan sikandin ni Jacob te, “Tezemi a kenikew ke hentei is ngazan nu?” Ne midtavak haazà is etew te, “Kenè nu en i-insai ke hentei is ngazan ku.” Ne zutun mibpenubtuvazan din si Jacob.

Genesis 32:30

Migngezanan haazà ni Jacob he tanà te Peniel, he ke và dà egkeǥiya, “Neehè ku is dagwey te Megbevayà piru uuyag e zed.”

Nehemias 9:5

Is menge Levihanen he nengumew para te ked-azap iyan ensi Jeshua, Kadmiel, Bani, Hashabnea, Sherebia, Hodia, Shebania, wey si Petahia. Ke sikandan te, “Hitindeg kew ne zeliǥa niw is wazà pidtemanan he Nengazen he Megbevayè niw!” Ne migkaǥi is menge etew te, “He Nengazen, ereg he edeliǥen is kegkemekeǥeǥehem nu! Is kegkemekeǥeǥehem nu lavew pa te egkekaǥi zey.

Exodus 23:21

Pemineǥa niw sikandin ne tumana niw is egkeǥiyen din. Kenè kew sukul kandin. Su is langun he ebeelan din, ebeelan din pinaaǥi te ngazan ku ne kenè din ebpekewezaan is menge salè niw, etawa kenè kew zin ebpeseyluwen te menge salè niw.

Isaias 9:5

Egkelipey zaan sikandan su egkeengked en is kebpetebtebekà. Ebinsulan is menge yunipurmi te menge sundaru he nengelupit te lengesa, ragkes en is menge butas dan.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Zatù 13:6

Midtudtulan duen te vahi is esawa zin. Ke sikandin te, “Mibpaahà kedì is suluǥuen te Megbevayà he henduen be te velinsuǥuen te Megbevayà. Migkulbaan a! Wazà a mekeinsà ke tighendei sikandin ne wazè din daan keǥiya ke hentei sikandin.