Zatù 12:3 - Manobo Western Bukidnon OT

³ Ne hein netuenan ku he kenè kew edtavang, impedserakan ku is untung ku te kebpekidtebek. Ne mibpengelinteuwan te Nengazen he mekezaag a. Ne ǥuntaan, maan is egkesuat kew he ebpekidtebek kedì?”

Zatù 12:3 교차 참조

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

Job 13:14

Su ibpedseraken ku en is untung ku.

Salmo 119:109

Minsan pa te layun a edhephepiti te kemetayen, ne wazè ku lipati is kesuǥuan nu.

Zatù 11:27

Wazà mezaat he mibeelan dey ziyà te keniyu, piru sikiyu mezaat is ed-ul-ulahan niw kenami su egkesuat kew he ebpekidtebek kenami. Iyan is Nengazen edhukum kenitew ke hentei is ebpekevenar kenitew.”

Zatù 12:2

Piru migkaǥi si Jefta ziyà te kandan te, “Hein utew meinit is kebpekidtebek dey te menge Amunihanen, mibuyù a te tavang diyà te keniyu. Piru wazè kew medtavang.

Zatù 12:4

Ne midtavak is menge tig-Efraim te, “Sikiyu is menge tig-Gilead edluivan niw is menge zuma niw he menge kevuwazan ni Efraim wey ni Manase.” Umbe midtiǥum ni Jefta is menge maama te Gilead ne nekidtebek dan te menge tig-Efraim. Ne nezaag dan is menge tig-Efraim.

Zatù 9:17

Tentenuzi niw he nekidtebek is amey ku te kedlibri keniyu te kedezaat te menge Midianhen. Impedserakan din is untung din para keniyu.

1 Samuel 19:5

Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”

1 Samuel 28:21

Mid-uvayan dutun te vahi si Saul. Ne hein neehè din he utew nahandek si Saul, ke sikandin te, “Mahal he Hadì, midtuman ku is insuǥù nu kedì minsan te netuenan ku he piligru is untung ku.