Zatù 11:13 - Manobo Western Bukidnon OT

¹³ Ne iyan heini tavak duen te hadì te menge Amunihanen diyà te menunudtulà he midsuǥù ni Jefta: “Hein ked-awà te menge Israilihanen puun te Ehipto, mid-aǥew zan is tanè dey–puun te Wahig he Arnon taman te Wahig he Jabok, wey pehendiyè en te Wahig he Jordan. Ne iyan suat dey he iulì niw heini ziyà te kenami te melinawen he paaǥi.”

Zatù 11:13 교차 참조

Genesis 32:22

Ne hein mezukilem, mid-enew si Jacob ne miduma zin is dezuwa he esawa zin, is dezuwa he menge suluǥuen dan he vahi, wey is 11 he anak din he maama, ne imperapas din sikandan ipehuna te repasan te Jabok.

Erubasa 19:5

Edsilutan is teruen he tistiǥus, ne kenà ebpekeǥawas te silut is minsan hentei he edtarùtarù.

Erubasa 19:9

Edsilutan is teruen he tistiǥus, ne is minsan hentei he ebpengaǥi te tarù ne egkezeetan.

Deuteronomio 2:37

Ne tenged te mandù kenitew te Nengazen he Megbevayè tew, wazè tew uvayi is menge tanà te menge Amunihanen, minsan is tanà he ziyà te kilid te Jabok wey is menge inged he nekeliǥuy te menge vuvungan.

Deuteronomio 3:16

Wey ziyà te menge kevuwazan ni Reuben wey ni Gad imbeǥey ku kandan is tanà he puun te Gilead taman te zal-ug he Arnon. Is tengàtengà te Arnon iyan dulunè dan diyà te divavà, ne iyan dulunè dan diyà te zizaya is dal-ug he Jabok, he iyan daan dulunà te menge Amunihanen.

Zatù 11:12

Ne midsuǥù ni Jefta is menge menunudtulà te kebpenginginsà diyà te hadì te menge Amunihanen ke maan is edsurungen dan is Israel.

Zatù 11:14

Ne mid-uman en maan medsuǥù si Jefta te menge menunudtulà diyà te hadì te menge Amunihanen