Zatù 1:27 - Manobo Western Bukidnon OT

²⁷ Ne is tribu ni Manase, wazè dan mesegseg is menge meǥinged diyà te Bet Shean, Taanak, Dor, Ibleam, Megido, wey te menge inged he peliǥuy kayi, su meheǥet is gehinawa zutun he menge Canaanhen he kenè dan ed-ewaan haazà he tanà.

Zatù 1:27 교차 참조

Jeremias 48:10

Edrewakan is etew he kenà edseǥipà te vuluhaten te Nengazen he kedezaat te Moab. Edrewakan is etew he kenà egamit te ispada te kedhimatey te menge tig-Moab.

Zatù 5:19

Nekeuma is menge hadì he menge Canaanhen ne nekidtebek dan te menge Israilihanen diyà te Taanak he uvey te veyvey te Wahig he Megido, piru wazà sikandan meketavan te minsan sevaha zà he pelata.

Zatù 1:1

Hein minatey en si Josue, mid-insà is menge Israilihanen diyà te Nengazen ke hentei zuen te menge tribu zan is edhuna ebpekidtebek te menge Canaanhen.

Josue 21:25

Ne puun daan te tanà te ketengà he tribu ni Manase he ziyà te edsenlepan nekuwa zan daan is dezuwa he inged he iyan is: Taanak wey Gat Rimon, ragkes is menge penebtavà kayi.

Deuteronomio 7:2

Ne emun ibeǥey en sikandan te Nengazen he Megbevayè niw ziyà te keniyu su egkezaag niw en sikandan, kinahanglan he ebpurungan niw sikandan edèdeeti. Kenè kew mebaal te kesebutan diyà te kandan etawa kenè kew mebpaahà te hizu niw kandan.

Exodus 23:32

Kenè kew pekid-uyun kandan wey te menge ed-ezapen dan.

Zatù 1:26

Heini he etew midhendiyà te tanà te menge Hitihanen, ne mibangun sikandin te sevaha he inged he migngezanan din te Luz. Ne taman en guntaan iyan heini ngazan din.

Zatù 1:28

Ne hein mid-iseg is gehem te menge Israilihanen, mibpeǥes dan is menge Canaanhen he medterebahu para kandan te menge Israilihanen, piru wazè dan segseǥa sikandan.

2 Hadì 9:27

Ne hein naahà ni Hadì Ahazia he hadì te Juda haazà is nehitavù, mibpelaǥuy sikandin pehendiyà te Bet Hagan. Midal-as sikandin ni Jehu he ebpemensag te, “Himetayi niw zaan sikandin!” Umbe mibpanè dan sikandin diyà te kerwahi zin hein ed-ikul sikandin te zalan pehendiyà te Gur, he uvey te Ibleam. Nekepelaǥuy sikandin he neteǥepalì taman te Megido, piru minatey sikandin dutun.

Zatù 1:21

Piru wazà mulà mesegseg te menge kevuwazan ni Benjamin is menge Jebusihanen he menge meǥinged diyà te Jerusalem. Umbe taman en guntaan kemulu ebpemen-ubpà diyà te Jerusalem is menge Jebusihanen duma te menge kevuwazan ni Benjamin.

1 Samuel 31:10

Diyè dan isavuk haazà is menge ǥumaan ni Saul te valey he zutun is megbevayè dan he si Ashtoret ne inransang dan is minatey he lawa ni Saul ziyà te berengbeng te inged he Bet Shan.

2 Hadì 23:29

Hein edhadì pa si Josia, si Faraon Neco he hadì te Ehipto midhendiyà te Wahig he Eufrates su edtevangan din is hadì te Asiria. Ne migenat si Hadì Josia wey is menge sundaru zin su ebpekidtebek dan ki Neco, piru midhimetayan sikandin ni Neco hein neked-uma zan diyà te Megido.