piru edsiguduwan nu zaan sikandan ebpenaa. Ne kenà egkeewaan te zesen is beklawan nu, tenged te tavang te Gemhanan he Megbevayè ku he ebantey wey eputà he vatu te Israel.
Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.
Is menge kevuwazan ni Manase iyan nekeǥaked te menge lugar te Bet Shan, Taanac, Megido, wey Dor, wey apil is menge lugar he nekelingut kayi. Iyan haazà menge inged he mid-ubpaan te menge kevuwazan ni Jose he anak ni Israel.
Duen en impehuna ni Josue he 5,000 he menge sundaru te kedsurung dutun te inged. Diyè dan mebpelastar te zapit te edsenlepan dutun te inged, diyà te tengàtengà te Ai wey Betel.
Midtevangan te Nengazen is tribu ni Juda. Umbe nesakup dan is menge vuvungan, piru wazè dan mesegseg is menge meǥinged diyà te menge suǥud su heini he menge etew duen dan menge kerwahi he putew.
Piru wazà mulà mesegseg te menge kevuwazan ni Benjamin is menge Jebusihanen he menge meǥinged diyà te Jerusalem. Umbe taman en guntaan kemulu ebpemen-ubpà diyà te Jerusalem is menge Jebusihanen duma te menge kevuwazan ni Benjamin.
