Zatù 1:16 - Manobo Western Bukidnon OT

¹⁶ Miduma is menge Kinhanen he kevuwazan te enuǥang ni Moises diyà te menge kevuwazan ni Juda. Ebpuun te inged he Jerico ne midhendiyà sikandan te sibsivayan te Juda he ziyà te Negev, uvey te Arad, ne mid-ubpè dan dutun duma te menge meǥinged dutun.

Zatù 1:16 교차 참조

1 Cronica 2:15

is ikeenem, iyan si Ozem, ne is ikepitu, iyan si David.

1 Cronica 2:55

wey menge pemilya te utew memetau he edsurat te menge dukumintu he ziyà ed-ubpà te inged he Jabez he iyan is menge Tiratnen, menge Simiyatnen, wey menge Sucatnen. Iyan heini sikandan menge Kinhanen he ebpuun ki Hammat, he iyan midtukud te Bet Recab.

2 Cronica 28:16

Dutun te haazà he timpu ne mibpetavang si Hadì Ahaz te hadì diyà te Asiria.

Exodus 18:1

Si Jetro, sikan is memumuhat diyà te Midian he enuǥang ni Moises, netudtulan sikandin te langun he mid-ulaula te Megbevayà diyà te ki Moises wey ziyà te menge etew zin he menge kevuwazan ni Israel. Nezineg din ke mibmenumenu te Nengazen is kebpeǥewasa zin te menge Israilihanen puun te Ehipto.

Exodus 18:12

Ne si Jetro he enuǥang ni Moises, nemuhat diyà te Megbevayà te pemuhat he edtutungen wey zuma he menge ibpemuhat diyà te Megbevayà. Ne zutun te kemulu zin en ebeeli haazà, ne nekeuma si Aaron wey is langun he menge edumala te Israel. Ne migkaan dan duma ki Jetro zutun te etuvangan te Megbevayà.

Exodus 18:27

Ne impeulì ni Moises is enuǥang din diyà te nasyun din.

Exodus 18:7

Ne tenged kayi midsinuǥung ni Moises is enuǥang din diyà te ǥawas ne midluhud sikandin diyà te etuvangan te enuǥang din wey midhezekan din daan. Ne mibpeinseey sikandan mehitenged te kebpekesavuk te uman sevaha kandan, ne zutun midseled dan diyà te tulda.

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

Exodus 4:18

Ne mid-ulì si Moises diyà te enuǥang din he si Jetro ne migkeǥiyan din te, “Tuǥuti a kenikew te kedlikù diyà te menge kezumahan ku ziyà te Ehipto te ked-ahà ke menge uuyag ded be sikandan.” Ne midtavak si Jetro te, “Uya, egkehimu he egenat ka, ne verakat he meupiya is hipanew nu.”

Jeremias 35:2

“Hendiyè ka te pemilya te menge Rikabnen, ne keǥiyi nu sikandan he medhendiyè dan te sevaha zuen te menge ruǥu te valey ku, ne ipeinum nu sikandan te vinu.”

Numero 21:1

Dutun he timpu is Canaanhen he hadì diyà te Arad he ed-ubpà diyà te Negev, netudtulan he ebpekeuma is menge Israilihanen he ziyà mebayà te zalan diyà te Atarim. Umbe midsurung din sikandan ne mibihag din is duma kandan.

Deuteronomio 34:3

is Negev, wey is tivuuk he tanà he ebpuun te Suǥud te Jerico (sikan is mahabet is palma zuen) taman te Zoar.

Deuteronomio 34:4

Ne zutun migkaǥi is Nengazen diyà te ki Moises te, “Iyan heeyan sikan is tanà he impenaad ku ziyà te ki Abraham, ki Isaac, wey ki Jacob, ne migkaǥi a ziyà te kandan te ibeǥey ku heeyan diyà te menge kevuwazan dan. Impeehè ku heeyan kenikew piru kenè ka mulà ebpekehengkeniyan.”

Josue 12:14

hadì te Horma hadì te Arad

Josue 18:21

Iyan heini zezekelà he menge inged he imbeǥey ziyà te tribu ni Benjamin he mibahin diyà te kada pemilya zan: Jerico, Bet Hogla, Emek Keziz,

Zatù 1:15

Midtavak si Acsa te, “Beǥayi e man kenikew te pebur. Egkesuatan ku pezem he ebeǥayan a kenikew te menge serebseb, su is tanà he imbeǥey nu kedì diyà te Negev ne wazà duen menge serebseb.” Umbe imbeǥey ni Caleb kandin is menge lugar he zuen menge serebseb diyà te vuvungan wey alug.

Zatù 3:13

Pinaaǥi te tavang te menge Amunihanen wey menge Amalikanhen, midsurung ni Eglon is menge Israilihanen, ne mid-aǥew zin is inged he Jerico.

Zatù 4:11

Dutun he timpu, si Heber he Kinhanen, midsuwayan din is duma he menge Kinhanen he menge kevuwazan ni Hobab te uyang ni Moises. Ne mibpekeziyù sikandin wey midtukud te tulda zin uvey te puun te zekelà he kayu he ziyà te Zaananim, uvey te Kedesh.

Zatù 4:17

Ne si Sisera mulà mibpelaǥuy pehendiyà te tulda ni Jael te esawa ni Heber, su geina te emiǥu ni Hadì Jabin he hadì te Hazor is pemilya ni Heber he Kinhanen.

1 Samuel 15:6

Mibpeuwit si Saul te lalag diyà te menge Kinhanen te, “Genat kew! Ewai niw heeyan is menge Amalikanhen para kenè ku sikiyu ikeapil te edhimatey duma kandan, su mid-uǥupan niw is menge Israilihanen te kegawas dan puun te Ehipto.” Ne zutun mibpekeziyù is menge Kinhanen.

1 Samuel 27:10

Emun ed-insà si Akish ke hendei zan medsurung te haazà he andew, ne edtavak si David te midsurung dan diyà te Negev diyà te Juda wey ke sakup be te Negev he ed-ubpaan te menge Jerameelinhen wey ke sakup be te Negev he ed-ubpaan te menge Kinhanen.

1 Samuel 30:29

Racal, wey is diyà te menge inged te menge Jerameelinhen wey menge Kinhanen,