Solomon 8:6 - Manobo Western Bukidnon OT

⁶ Kenè ke en mahal te zuma, kekenà, iyan e zà kenikew mahala. Kenè ke en kepkep te zuma, kekenà, iyan e zà kenikew kepkepi. Su is kebmahal, iring is gehem din te kemetayen; is keinit te egkeǥezam ta ne kenà egkeeǥen iring te kebpekeuma te kemetayen. Is kebmahal iring te egkeregreg wey edriyubriyub he hapuy.

Solomon 8:6 교차 참조

1 Cronica 11:18

Umbe, mid-eles-eles midseled haazà is tetelu he mevurut he menge etew zuen te kampu te menge Filistihanen, ne migkuwa zan te wahig dutun te kalut he uvey te ǥemawan te Betlehem, ne mid-uwit dan diyà te ki David. Piru wazà inuma haazà ni David; kekenà, in-itis din haazà su pemuhat din para te Nengazen.

Salmo 120:4

Edsilutan kew zin pinaaǥi te kegkepenaa keniyu te sundaru te midlangga he vesut.

Salmo 63:1

He Megbevayà, iyan ka Megbevayè ku, ne meselem pa utew ne edangep e en diyà te kenikew. Ke và ke zà wahig ne egkemezahan a kenikew. Iring te ziyà a te memaza he tanà he wazà duen wahig.

Salmo 84:2

Egkesuat a utew he edhendutun! Mibulung ad te kedseled diyà te valey nu, He Nengazen. Is tivuuk he ǥehinawa ku engkanta te kegkelipey tenged kenikew te uuyag he Megbevayà.

Exodus 28:21

Is kada sevaha zuen te sepulù wey dezuwa he menge vatu, ne id-ukir zutun is sevaha zaan he ngazan te sevaha he anak ni Jacob, su iyan haazà edriprisintar te sepulù wey dezuwa he ebpuunan te menge kevuwazan ni Israel. Is ked-ukira zutun ne iring te ked-ukir te para ibmarka.

Erubasa 25:22

Ne emun ebeelan nu heini, ne egkeeled sikandin kenikew, ne is Nengazen ebales kenikew.

Erubasa 6:34

Ne is ebpengelikud he teǥiesawa zutun te vahi he edhilevetan, ne utew egkererengiti, ne wazè din en kegkehizu emun ebelesan din is midsalàsalà diyà te kandin.

Solomon 5:8

Sikiyu is menge vahi te Jerusalem, penangdù kew he emun egkeehè niw is minahal ku ne keǥiyi niw sikandin he midluyahan a tenged te kebmahal.

Isaias 49:16

“He Jerusalem, kenè ku sikew egkelipatan. Insurat ku is ngazan nu ziyà te menge palad ku. Layun ku ed-is-isipa is ked-umana kebenguna te menge verengbeng nu.

Jeremias 22:24

“Siak, is uuyag he Nengazen, ebpenangdù a he idselikwey ku sikew, Hadì Jehoyakin he hadì te Juda, he anak ni Jehoyakim. Minsan pa neiring ka te sising diyà te kewanan he velad ku ebpul-uten ku sikew.

Haggai 2:23

Keǥiyi nu zaan si Zerubabel he suluǥuen ku he edhimuwen ku sikandin he ibpezumala zutun he andew. Edumala sikandin pinaaǥi te keǥehem ku, su iyan sikandin pinilì ku. Iyan a, is Nengazen he Mekeǥeǥehem, is migkaǥi kayi.”

Zacarias 3:9

Josue, tengtengi nu is batu he insavuk ku ziyà te etuvangan nu, duen kayi pitu he mata. Ebpeukiran ku heini, ne id-awè ku is salà te menge etew te nasyun he Israel te senga andew zà.

Numero 25:11

“In-awà ni Finehas he anak ni Eleazar wey apù ni Aaron he memumuhat is kegkepeuki ku te menge Israilihanen, su pinaaǥi te mibeelan din impeehè din is kegkepeuki ku te menge Israilihanen, umbe wazè ku sikandan emina te ebpenhimatey he iyan pezem ebeelan ku tenged te kegkepauk ku.

Numero 5:14

Emun edhaled is esawa zin he tutuu he zuen mibeelan din he mezaat, etawa ebpengelikud is maama piru wazà mezaat he mibeelan duen te vahi, kinahanglan he ed-uwiten sikandin duen te maama ziyà te memumuhat ne kinahanglan he ed-uwit haazà is maama te pemuhat he para te esawa zin he zezuwa he kilu he herina he barli, ne kinahanglan he kenè din heini edsehuǥan te lana etawa veyewà su pemuhat heini he gasa he ibpemuhat din tenged te kebpengelikuzi zin te esawa zin. Pemuhat heini para metueni ke nekesalè be is esawa zin etawa wazà.

Deuteronomio 32:21

Impepengelikud e zan pinaaǥi te ked-azap dan te kenà tutuu he megbevayà, ne midhimu zan he mepauk a pinaaǥi te ked-azap dan te wazè din pulus he menge ed-ezapen. Kela su nasì ku edhimuwa he mesina zan te zuma he etew. Edhimuwen ku he mepauk dan pinaaǥi te kedtuvazi ku te menge etew he tulebung.