Solomon 7:12 - Manobo Western Bukidnon OT

¹² Edsayu ki ed-enew ne ed-ahaan ta ke neneringsing en wey ke nemekar en is menge kevukad te menge paras. Ed-ahaan te zaan ke nengevukad en is pumigranata. Ne zutun ibpeǥezam ku kenikew is kebmahal ku.

Solomon 7:12 교차 참조

Salmo 122:5

Kayi te Jerusalem edhimuwa te menge hadì he menge kevuwazan ni David is husayen.

Salmo 43:4

Ne zutun ed-uvey a ziyà te pemuhatà he zutun ka ebpemuhata, Megbevayè ku, iyan ka ebeǥey kedì te kelipey. Megbevayè ku, edeliǥen ku sikew pinaaǥi te kedtukar te alpa.

Salmo 73:25

Wazè en duma ziyà te langit he egkinehenglanen ku, kekenà, iyan ke zà. Su ǥeina te kayi ka te kediey, wazè en duma pa he ebpengenduyen ku kayi te kelibutan.

Exodus 25:22

Ne ebpekidhinguma a kenikew zutun te mid-elangan duen te dezuwa he kirubin he ziyà te zivavew zuen te Kavan, ne ibeǥey ku kenikew is langun he menge velaud ku para te menge Israilihanen.

Erubasa 8:17

Ebmahalen ku is mibmahal kediey, ne is ebpen-ahà kediey egketuredu e zin.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

Solomon 2:13

Ebpemeǥas en is menge higus, ne ebmeǥuymuyan en is ebpengevukad he menge paras. Hendini kad is pelanggè ku. Duma ka kedì, is minahal ku he utew mekempet.”

Solomon 2:15

Agpas kew! Hingutela niw is dezeisey he menge laku he edezaat te menge pemuleey te paras dey he ebpengevukad en.

Solomon 4:13

Ebpemeǥas heini te pumigranata wey zuma pa he utew meupiya he menge veǥas. Dekelà is egkekuwa kayi he pehemut he hina, nardu,

Solomon 4:16

Sikiyu is keramag he ebpuun diyà te zizaya wey zivavà. Hiyupa niw is pemuleey ku su wey mekepeyapat is kehemut kayi. Ipehendiyà is minahal ku te pemuleey zin su wey mekekaan te kinemeupiyahan he menge veǥas te pinemula kayi.

Solomon 6:11

Midtupang a ziyà te pemuleey te kayu he almindru su ed-ahaan ku is beǥu he menge pinemula he nenuvù diyà te zal-ug, wey ed-ahaan ku ke neneringsing en be is menge paras wey ke nengevukad en be is menge pumigranata.

Solomon 7:11

Hendini ka, pelanggè ku, edhendiyè ki te vevesukà, ne ziyà ki edlipezeng te zuen duen menge vulak he hina.

Solomon 7:6

Utew ka mezagwey is pelanggè ku; utew ka mekewiwili.

Isaias 18:5

Kenè pa egkeuma is tiraǥun, su timpu pa te kebpengevukad te paras wey egkenaneynaney pa egkengelutui is beǥas kayi, ebpenempezen te Megbevayà is menge subpang kayi.