Solomon 6:4 - Manobo Western Bukidnon OT

⁴ Utew ka mekempet, pelanggè ku. Iring is kekempet nu te kekempet te inged he Tirza wey Jerusalem. Utew ka meupiya he ed-ahaan iring te menge sundaru he zuen dan menge bendirà.

Solomon 6:4 교차 참조

1 Hadì 14:17

Ne zutun mid-ulì is esawa ni Jeroboam diyà te Tirza. Ne kebpekeuma zin diyà te ǥemawan te valey zan, ne segugunà minatey sikan is anak din.

1 Hadì 15:21

Hein netuenan haazà ni Baasha, ne mibpeengkezan din is kedlig-eni te Rama, ne midlikù sikandin diyà te Tirza.

1 Hadì 15:33

Nehimu he hadì diyà te Israel si Baasha he anak ni Ahia hein iketelu he tuig te kedhadì ni Asa ziyà te Juda. Diyà te Tirza med-ubpà si Baasha, ne midhadì sikandin seled te 24 he tuig.

Salmo 48:2

Mekempet is ketikang kayi he vuvungan ne ebpekeveǥey te kelipey te tivuuk he kelibutan. Heini is segradu he Buvungan he Zion iyan inged te Mekeǥeǥehem he Hadì.

Salmo 48:3

Diyà is Megbevayà te melig-en he menge vahin te Jerusalem, ne impeehè din en te menge meǥinged kayi he iyan sikandin eputè dan.

Salmo 50:2

Ed-anlag sikandin he ebpuun diyà te Zion, he iyan kes inged he wazà kurang te kekempet din.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 1:5

Menge vahi ziyà te Jerusalem, meitem a iring te tulda ziyà te Kedar, piru mekempet a iring te menge kurtina ziyà te turuǥan ni Solomon.

Solomon 2:14

Iring ka te merepatik he ed-eles diyà te vudsi te kelendiǥan. Ipeehè nu kediey is mekempet he zagwey nu wey ipezineg nu kedì is menayù he laǥeng nu.

Solomon 4:7

Utew ka iyan mekempet is pelanggè ku. Wazà iyan igkesawey kenikew.

Solomon 5:2

Dutun te nekelipezeng a ne neketeǥeinep a. Nezineg ku he ebpeneǥuktuk is minahal ku. Ke sikandin te, “Puwasi a, pelanggè ku he mekempet. Su nahames en is ulu ku te zehemug.”

Solomon 6:10

Ke sikandan te, “Hentei ves heini is emun edtengtengan ta ne iring te egkeriwaswas is kekempet din, wey iring te ebpenerètà he vulan, wey iring te edsilà he andew. Mekevivihag sikandin iring te menge vituen.”

Penhulùhulù 2:15

Is langun he sumeseǥazà diyà te keniyu ebpakpak, ebpemen-engit wey ebpemengelengkeleng te kedsudì dan kenikew. Ke sikandan te, “Iyan bes heini inged he migngezanan te ‘Kinekempetan’ wey ‘Ebpekelipey kayi te Tivuuk he Kelibutan?’ ”

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.