Solomon 6:13 - Manobo Western Bukidnon OT

¹³ Likù ka, is raǥa ziyà te Shulam, likù ka su wey zey sikew maahà. Maan is egkesuatan niw te ed-ahà is raǥa ziyà te Shulam he edsayew ziyà te teliwazà te ebpemenan-ew?

Solomon 6:13 교차 참조

Genesis 32:2

Ne hein naahà sikandan ni Jacob, ke sikandin te, “Menge sundaru heini te Megbevayà!” Ne migngezanan din haazà is tanà te Mahanaim.

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

2 Samuel 17:24

Nekeume en ensi David diyà te Mahanaim dutun te nekelayun en ensi Absalom wey is menge sakup din te Wahig he Jordan.

Salmo 76:2

Ed-ubpà sikandin diyà te Buvungan te Zion he ziyà te Jerusalem.

Solomon 1:6

Kenè niw idemdemerì is keitem ku tenged te subra he kegkekagkag. Nepeukan a te menge suled ku he menge maama, ne impeterebahu e zan diyà te pemuleey te paras. Umbe wazè ku en timpu te ked-atur te keugelingen ku.

Solomon 2:14

Iring ka te merepatik he ed-eles diyà te vudsi te kelendiǥan. Ipeehè nu kediey is mekempet he zagwey nu wey ipezineg nu kedì is menayù he laǥeng nu.

Solomon 6:12

Ne wazè ku mevembentayi he ziyè ed bes te utew mekempet he hizeǥaan duma te pinelanggè ku.

Isaias 8:6

“Geina te inselikwey kayi he menge etew is wahig te Shiloa he midtudà te menaney, ne ingkelipey zan is kebpekidtampu ki Hadì Rezin wey ki Hadì Peka,

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Zatù 21:21

ne ventayi niw is menge raǥa he tig-Shilo. Ne emun edsaǥad sikan is menge raǥa he edsayew zutun te pista, ne lepawa niw sikandan ne medakep is kada sevaha keniyu te ed-esewaan din ne uwita niw ziyà te keniyu.