Solomon 5:14 - Manobo Western Bukidnon OT

¹⁴ Is menge vekelawan din, ne henduen be te kebilya he vulawan he zuen duen mahalen he menge vatu. Is lawa zin henduen be te impesinew he ungal te ilipanti he nezeyzeyanan te menge vatu he sepiru.

Solomon 5:14 교차 참조

Job 28:16

Kenà ebpekerepeng te vali kayi is bali te lunsey he vulawan etawa mahalen he menge vatu he uniks wey sapiru.

Salmo 99:4

Mekeǥeǥehem sikandin he Hadì, ne zekelà diyà te ǥehinawa zin is hustu he kukuman. Wazè din ibpelavi ke edhukum sikandin, ne metazeng wey hustu is ebeelan din diyà te Israel.

Exodus 15:6

Utew lavew is gehem nu Nengazen; pinaaǥi kayi midruntek nu is menge kuntada.

Exodus 24:10

Ne neehè dan is Megbevayà te Israel, he ziyà mekehitindeg te iring te saag he sapiru he henduen te mehiǥawan he langit.

Exodus 28:18

is ikezuwa he linya, imirald, sapiru, wey diyemanti;

Exodus 28:20

ne ikeepat he linya, krisulitu, uniks, wey haspir. Ibpemezivavew heini ziyà te selevukà he vulawan he para te ebpezivevawan duen.

Exodus 39:13

ne ikeepat he linya, krisulitu, uniks, wey haspir. Ne impikit dan heini ziyà te selevukà he vulawan.

Solomon 7:2

Is pused nu iring te tasa he layun din duen taǥù he metaam he vinu. Is hawak nu iring te vinagkes he trigu he neliǥuy te menge liryu.

Isaias 52:13

Migkaǥi is Nengazen te, “Pemineg kew! Ebmeuswaǥen is suluǥuen ku, egkevantug sikandin wey ebeǥayan te zengeg.

Isaias 54:11

“He Jerusalem, he henduen be te migkusukusu te vagyu. Nerasey ka ne wazà midlipey wey midasig kenikew. Piru ed-umanan ku sikew ebenguna he ziyà ibpehitindeg te menge vatu he sepiru, ne egemiten ku is mahalen he menge vatu te kebaal te menge elavat te menge valey nu.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Ezekiel 1:16

Iyan heini ked-ahaa ta wey kegkeveeli zuen te menge ligid: Ed-ilak-ilak heini iring te mahalen he vatu he krisulitu, ne neked-iiring is kegkeveeli kayi he henduen be te zezuwa he ligid he nekebelevaǥà

Daniel 10:6

Ne henduen be te mahalen he vatu is lawa zin su ed-ilak-ilak. Ne henduen be te kilat is dagwey zin su egkindab, ne iring te sulù is mata zin su edsiǥa. Is menge velad din wey menge paa zin ne ed-ilak-ilak he henduen be te midlimbasan he brunsi, ne mezaǥing is laǥeng din he henduen be te keǥurub te mahabet he etew.