Solomon 5:10 - Manobo Western Bukidnon OT

¹⁰ Mekempet wey meriǥàriǥà is minahal ku. Te sepulù he libu he menge maama, ne iyan sikandin edhuna.

Solomon 5:10 교차 참조

Salmo 45:17

Edhimuwen ku he kenè ka egkelipatan te langun he egkelapislapis he kevuwazan. Umbe taman te taman is kedeliǥa kenikew te menge nasyun.

Salmo 45:2

Mahal he Hadì, iyan ka utew mezagwey te langun he menge maama, ne is menge lalag he egawas diyà te vèbè nu ebpekeveǥey te keupiyaanan te zuma he etew, su ǥeina te layun ka edtuvazi te Megbevayà.

Solomon 2:1

Henduen a te rusas diyà te Sharon wey henduen a te liryu ziyà te menge suǥud.

Isaias 10:18

Iring te edezeetan te zaru is lawa te etew, edezeetan daan te Nengazen is ketelunan wey is uuzaran he vevesukà te hadì te Asiria.

Isaias 59:19

Minsan hendei edtehuzen sikandin wey ebeǥayan te zengeg te menge etew, su ebpekeuma sikandin he iring te edeǥurus he wahig he edhiyupen te mevendes he keramag.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Penhulùhulù 4:7

Dengan, is menge pengulu te Jerusalem, meupiya is kedlelawa zan, melig-en, metilak is kedlulundis dan iring te ayis, meputì iring te gatas, wey dungganen iring te mahalen he menge vatu.

Deuteronomio 32:31

Su is batu he iyan endilungà te menge kuntada tew ne kenà iring te kenitew he endilungà he vatu ne minsan sikandan nesayud kayi.

1 Samuel 16:12

Umbe, mibpevayaan ni Jesse si David, ne impehendutun. Metaid he meriǥàriǥà is kedlulundis din, wey meupiya he ed-ahaan is mata zin. Migkeǥiyan te Nengazen si Samuel te, “Lenahi nu en is ulu zin su iyan en sikandin nepilì ku.”