Emun idhindeg te zuma he vetan-en he menge maama, is minahal ku, ne iring sikandin te mensanas he zuma te menge kayu ziyà te ketelunan. Utew ku ingkesuat is kedhelung diyà te sihung din ne meemis is beǥas din.
Sikiyu is keramag he ebpuun diyà te zizaya wey zivavà. Hiyupa niw is pemuleey ku su wey mekepeyapat is kehemut kayi. Ipehendiyà is minahal ku te pemuleey zin su wey mekekaan te kinemeupiyahan he menge veǥas te pinemula kayi.
Midtupang a ziyà te pemuleey te kayu he almindru su ed-ahaan ku is beǥu he menge pinemula he nenuvù diyà te zal-ug, wey ed-ahaan ku ke neneringsing en be is menge paras wey ke nengevukad en be is menge pumigranata.
Midhendiyà is minahal ku te pemuleey zin he neeneb te menge pinemula he ebeelan he pehemut. Ebpepenabtab sikandin dutun te menge uyaǥen din wey ebpenguwa te menge liryu.
Edumahan ku sikew ziyà te valey te iney ku, ne zutun penurua a kenikew te kebmahal. Ibpeinum ku sikew te mehemut he vinu he wahig te egkeresen he prutas ku he pumigranata.
Is langun he menge etew nu egkehimu he metazeng, ne egkaangken dan is tanà he Israel taman te taman. Midlimbag ku sikandan; iring sikandan te pinemula he impemula ku su wey a meveǥayi te zengeg.
Is tanà ebpetuvù te venì ne is Nengazen he MEGBEVAYÀ ebeǥey te kezeeǥan duma is ketazeng, ne edeliǥen sikandin te menge etew ziyà te langun he menge nasyun.
