Umbe, mibpevaal si Hadì Rehoboam te brunsi he menge kelasag he inliwan dutun, ne insarig din heini te menge upisyal te menge vantey he ebantey te ǥemawan te turuǥan.
Piru wazà minsan hentei he Israilihanen he mid-uripen ni Solomon, kekenà, midhimu zin sikandan he menge sundaru zin, menge upisyal, menge pengulu te menge sundaru, menge peremandar te menge kerwahi zin, wey te menge pereuntud te kudà.
Ne zutun mid-ampù si Elisha te, “Nengazen luwisi nu is ked-ehè din su wey mekaahà sikandin.” Ne midluwisan te Nengazen is menge mata zin, ne neehè din is menge vuvungan diyà te peliǥuy ni Elisha he gurenab is hapuy he menge kudà wey kerwahi.
Umbe, zuen menge impevantey ku zuen te kinemevevaan he menge vahin dutun te verengbeng he melemu zà ebpekevayà dutun is edseled. Impevantey ku sikandan dutun he migrupu is kada pemilya, ne neǥumeenan sikandan te ispada, bangkew, wey panà.
Hentei heini is ebpekeuma he ebpuun te sibsivayan he henduen be te mekepal he evel he ebmeǥuymuyan te kehemut te mira wey beyewà–menge pehemut he ibelegyà te menge nigusyanti?
Layun dà edtebek is menge Israilihanen wey menge Filistihanen seled te kedhadì ni Saul. Ne emun duen egkeehè din he mevurut wey mezesen he etew edhimuwen din he sundaru.
Midtavak si David te, “Uya, para meehè nu ke hengkey is egkehimu ku, te suluǥuen nu.” Midtavak si Akish te, “Meupiya iyan! Su edhimuwen ku sikew he ebantey kedì taman te taman.”
Egkuwaan din daan is menge suluǥuen niw he menge maama wey menge vahi wey is pinekemeupiya he vaka niw wey menge asnu ne ziyè din egemita te kandin he terebahu.
