Solomon 3:1 - Manobo Western Bukidnon OT

¹ Dutun te mezukilem he edhidhizeǥà a, ebulungen a te minahal ku. Egkesuat a he zuma ku sikandin piru wazà sikandin.

Solomon 3:1 교차 참조

Salmo 22:2

Megbevayè ku, wazè ku en himeley su maandew wey mezukilem is kebpengumew-umew ku kenikew, iyan, wazà a kenikew tevaka.

Salmo 4:4

Emun egkepauk kew, kinahanglan he kenè kew ebpekesalà tenged dutun. Ne emun edhizeǥè kew en diyà te menge hizeǥaan niw, pekelinawa niw is gehinawa niw ne purung kew ngunùngunù.

Salmo 6:6

Mibmeluye e en tenged te utew ku kegkesekiti. Kada mezukilem egkahames is ulunè ku te luhà.

Solomon 1:7

Tezemi a kenikew, pelanggè ku, ke hendei nu ibpepenabtab is menge kerehidu nu? Ne hendei nu sikandan ibpehimeley emun meudtu? Tezemi a kenikew su wey ku sikew kenè en mepengahà diyà te menge emiǥu nu he ebpemepenabtab daan te menge kerehidu. Su kela ke kunaan dan ke vahi a he ebelegyà te dengeg din.

Solomon 5:6

Mibpuwasan ku is minahal ku, piru wazè en sikandin. Egkesuat a he mezineg ku is laǥeng din. Umbe mid-umew ku sikandin, piru wazè en sikandin medtavak. Mibpen-ehè ku sikandin, piru wazè ku meturedu.

Solomon 5:8

Sikiyu is menge vahi te Jerusalem, penangdù kew he emun egkeehè niw is minahal ku ne keǥiyi niw sikandin he midluyahan a tenged te kebmahal.

Isaias 26:9

Ebpengenduyen ku sikew ke timpu te mezukilem, te ebpuun te tivuuk he gehinawa ku. Tutuu he emun edhukuman nu is menge etew kayi te kelibutan, ne egketau sikandan te metazeng he kebpengungubpaan.

Isaias 55:6

Dangep kew ziyà te Nengazen ne umawa niw sikandin mintras wazè pa med-awà sikandin is edtavang keniyu.