Solomon 2:10 - Manobo Western Bukidnon OT

¹⁰ Migkaǥi sikandin kayi te kedì te, “Hendini kad is pelanggè ku. Duma ka kedì, is minahal ku he utew mekempet.

Solomon 2:10 교차 참조

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

Salmo 85:8

Ebpemineǥen ku is egkeǥiyen te Nengazen he Megbevayà, su ibpenaad din diyà te kenitew te metinumanen he menge etew zin is meupiya he kebpekesavuk; emun kenè tew edlikuan is tinulebung he menge vaal tew.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 1:9

He pelanggè ku, iring ka te behiyan he kudà he nesuatan te meemahan he kudà he eguyud te kerwahi te hadì te Ehipto.

Solomon 2:11

Netapus en is timpu te meǥenew wey tipenguzan.

Solomon 2:13

Ebpemeǥas en is menge higus, ne ebmeǥuymuyan en is ebpengevukad he menge paras. Hendini kad is pelanggè ku. Duma ka kedì, is minahal ku he utew mekempet.”

Solomon 2:8

Nezineg ku is laǥeng te minahal ku. Ebpekeuma sikandin he edlinglingketew ziyà te menge vuntud

Solomon 5:2

Dutun te nekelipezeng a ne neketeǥeinep a. Nezineg ku he ebpeneǥuktuk is minahal ku. Ke sikandin te, “Puwasi a, pelanggè ku he mekempet. Su nahames en is ulu ku te zehemug.”

Jeremias 31:3

Dengan mibpaahà is Nengazen te menge Israilihanen he migkaǥi te, “Mahal ku sikiyu te wazà pidtemanan he kebmahal. Tenged te keupiya ku, impeuvey ku sikiyu kayi te kedì.