Solomon 1:8 - Manobo Western Bukidnon OT

⁸ Emun wazè nu metueni, te utew mekempet he vahi, ikula nu is imbayà te menge kerehidu ku pehendiyà te menge tulda te menge vantey te menge kerehidu, ne zutun nu ipepenabtab is menge kambing nu.

Solomon 1:8 교차 참조

Salmo 16:3

Emun bahin te metinumanen he menge etew nu he ziyà med-ubpà te tanà he Israel he utew menge vuutan, dekelà is kelipey ku tenged kandan.

Salmo 45:11

su utew ka nesuati te hadì tenged te kekempet nu. Tehuza nu sikandin su egalen nu sikandin.

Salmo 45:13

Utew ka mekempet keniyan te seled te turuǥan nu. Is bisti nu binurdahan te vulawan.

Erubasa 8:34

Utew zeyzey is etew he layun ebantey wey edtaǥad su wey mekepemineg kedì.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 2:10

Migkaǥi sikandin kayi te kedì te, “Hendini kad is pelanggè ku. Duma ka kedì, is minahal ku he utew mekempet.

Solomon 4:1

Utew ka iyan mekempet is pelanggè ku. Is menge mata nu he netembunan te lembung nu ne henduen be te menge mata te merepatik. Is bulvul nu henduen be te menge sengeleyuzan he kambing he edtupang puun te Buntud he Gilead.

Solomon 4:10

Utew iyan meemis is kebmahala nu kedì, pelanggè ku he minahal. Meemis pa heini kenà te vinu. Is pehemut nu, ne edhuna pa he mehemut te minsan hengkey he kelasi te pehemut.

Solomon 4:7

Utew ka iyan mekempet is pelanggè ku. Wazà iyan igkesawey kenikew.

Solomon 5:9

Sikew is kezegwayan he vahi, hengkey is meupiya ziyà te minahal nu su ibpepenangdù key man kenikew? Edhuna ve sikandin he meupiya kenà te zuma?

Solomon 6:1

He kezegwayan he vahi, hendei en is minahal nu? Hendei man sikandin mebpevayà su ed-uǥupan dey sikew te kebpen-ahà kandin?

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’