Solomon 1:16 - Manobo Western Bukidnon OT

¹⁶ Utew ka iyan mekempet, pelanggè ku. Mekewiwili ka zutun te kedhidhizeǥè ta ziyà te meilem he menge sagbet,

Solomon 1:16 교차 참조

Salmo 110:3

Dutun te andew te kedtebeka nu te menge kuntada nu, andam is menge etew nu te ked-uǥup kenikew. Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem.

Salmo 45:2

Mahal he Hadì, iyan ka utew mezagwey te langun he menge maama, ne is menge lalag he egawas diyà te vèbè nu ebpekeveǥey te keupiyaanan te zuma he etew, su ǥeina te layun ka edtuvazi te Megbevayà.

Solomon 1:15

Utew ka mekempet is pelanggè ku. Mekempet he ed-ahaan is menge mata nu, iring te menge mata te merepatik.

Solomon 2:3

Emun idhindeg te zuma he vetan-en he menge maama, is minahal ku, ne iring sikandin te mensanas he zuma te menge kayu ziyà te ketelunan. Utew ku ingkesuat is kedhelung diyà te sihung din ne meemis is beǥas din.

Solomon 2:9

iring te selazeng. Ahàa niw man, diyà sikandin te gawas is edhithitindeg diyà te kilid te elavat dey is ebpantew kedì diyà te sulawà.

Solomon 3:7

Iyan heeyan sikan is kerwahi ni Solomon he edliǥuyan te 60 he utew memetau he menge sundaru te Israel.

Solomon 5:2

Dutun te nekelipezeng a ne neketeǥeinep a. Nezineg ku he ebpeneǥuktuk is minahal ku. Ke sikandin te, “Puwasi a, pelanggè ku he mekempet. Su nahames en is ulu ku te zehemug.”

Solomon 5:5

Mid-enew a is ibpeseled ku sikandin. Ne hein migewezan ku is gewezà duen te ǥemawan midtiǥis diyà te velad ku is mira.

Solomon 7:6

Utew ka mezagwey is pelanggè ku; utew ka mekewiwili.