Solomon 1:13 - Manobo Western Bukidnon OT

¹³ Is minahal ku mehemut iring te veyewà dutun te ed-ulun sikandin diyà te kumeng ku.

Solomon 1:13 교차 참조

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Salmo 45:8

Is bisti nu mehemut te pehemut he mira, aloe, wey kasia. Edlenganen ka te menge musikiru te menge gelemiten te kedtukar he ziyà te seled te turuǥan nu, ne haazà he turuǥan, mahal is indayandayan duen.

Solomon 2:7

Sikiyu is menge vahi te Jerusalem, penangdù kew pinaaǥi te menge selazeng wey menge gasila he kenè niw ebpukawen is kebmahal zutun te kenè pa hustu he timpu.

Solomon 3:5

Sikiyu is menge vahi ziyà te Jerusalem, penangdù kew pinaaǥi te selazeng wey gasila he kenè niw ebpukawen is kebmahal zutun te kenè pa hustu he timpu.

Solomon 3:6

Hentei heini is ebpekeuma he ebpuun te sibsivayan he henduen be te mekepal he evel he ebmeǥuymuyan te kehemut te mira wey beyewà–menge pehemut he ibelegyà te menge nigusyanti?

Solomon 4:14

asapran, kalamu, sinamun, nekedseselekawà he kelasi te veyewà, mira, alus, wey zuma pa he utew mehemut he menge pehemut.

Solomon 4:16

Sikiyu is keramag he ebpuun diyà te zizaya wey zivavà. Hiyupa niw is pemuleey ku su wey mekepeyapat is kehemut kayi. Ipehendiyà is minahal ku te pemuleey zin su wey mekekaan te kinemeupiyahan he menge veǥas te pinemula kayi.

Solomon 4:6

Dutun te kenè pa egkeriwasriwas wey kenè pa egkaawà is merusirem, ne kenà a ed-awà diyà te kumeng nu he henduen be te menge vuntud he ebmeǥuymuyan te kehemut te mira wey veyewà.

Solomon 5:1

Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

Solomon 5:13

Is enaping din mehemut iring te pemuleey he neeneb te menge pinemula he ebeelan he pehemut. Is menge bivig din henduen be te menge liryu he edtudà duen is mira.

Solomon 5:5

Mid-enew a is ibpeseled ku sikandin. Ne hein migewezan ku is gewezà duen te ǥemawan midtiǥis diyà te velad ku is mira.