Ne hein nekeinum en is menge kemilyu, midkedkad duen te suluǥuen is uwiten din he ǥalunggalung he vulawan he heenem he gramu is keveǥat din. Midkedkad din daan is dezuwa he rintì he vulawan he 120 he gramu is keveǥat. Ne imbeǥey zin haazà ki Rebeka.
Ne kegkepasad dutun, mid-insaan ku sikandin ke hentei sikandin ki anak. Midtavak sikandin te, ‘Anak a ni Betuel te anak ni Milca he esawa ni Nahor.’ Ne zutun mid-eritisan ku is izung din, ne imperirintì ku sikandin.
Ne zutun migkuwa zin haazà is uwiten din he menge elahas he pelata ragkes is menge visti, ne imbeǥey zin ki Rebeka. Mibeǥayan din daan te mahalen he menge gasa he inggasa zin dutun te menge suled wey iney ni Rebeka.
Ne mibpul-ut dutun te hadì is sising din he iyan tuus te keǥehem din he insarig din ki Jose. Mibpesun-uzan din si Jose te utew mahal he manggad he meputì ne mibpevelieǥan din sikandin te rantey he vulawan.
Is penurù dey ebpekeveǥey kenikew te meupiya he vetasan iring te kuruna he menge vulak etawa velieg he ebpekeveǥey kenikew te mekempet he kedezagwey wey zengeg.
Is enaping din mehemut iring te pemuleey he neeneb te menge pinemula he ebeelan he pehemut. Is menge bivig din henduen be te menge liryu he edtudà duen is mira.
Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.
Umbe, idhalad dey ziyà te Nengazen is bulawan he menge azen he nekuwa zey ziyà te tebek–menge rintì, menge sising, menge eritis, wey menge velieg, su para mevelukasi is untung dey ziyà te etuvangan te Nengazen.”
