Salmo 92:2 - Manobo Western Bukidnon OT

² Maandew wey mezukilem meupiya is kebpeheyaǥa te ǥaǥew nu,

Salmo 92:2 교차 참조

1 Cronica 25:1

Mibpilì si David wey is menge peremandar te menge sundaru te menge etew he ebpuun te menge anak ni Asaf, Heman, wey ki Jedutun. Iyan impilìa kandan su wey zan meseysey is lalag te Megbevayà he eduyuǥan te menge alpa, lira, wey menge simbal. Iyan heini menge ngazan dan he impenurat wey is menge terebahu zan:

Job 35:10

Piru wazà sikandan mebpengumew-umew te Megbevayà he midlimbag kandan wey mibeǥey kandan te zesen dutun te timpu te kelised.

Salmo 101:1

Nengazen, egkanta a mehitenged te ǥaǥew nu wey hustu he kukuman. Egkanta a te menge idalig kenikew.

Salmo 145:2

Edeliǥen ku sikew te kada andew, ne ed-ul-ulahan ku heini te taman te taman.

Salmo 147:1

Deliǥa is Nengazen! Utew meupiya is kegkanta te menge idalig te Megbevayè tew. Ne meupiya heini su zait man iyan sikandin he edeliǥen.

Salmo 42:8

Emun maandew ibpeehè nu is gaǥew nu Nengazen, umbe emun mezukilem en, egkanta a te ked-ampù diyà te kenikew te Megbevayà he mibeǥey kedì te untung ku.

Salmo 71:15

Layun ku edtudtula is metazeng he ebeelan nu he kedlibri te menge etew nu, minsan pa te kenè ku heini egketegkad ke maan.

Salmo 77:2

Dutun te timpu te kelised ed-ampù a ziyà te Nengazen. Ne zutun te ked-ampù ku ke mezukilem kenà a egkeveley he ebayew te menge velad ku, piru wazè ku ǥihapun kelipey.

Salmo 9:3

Emun edlepawen nu en is menge kuntada ku, ne ebpemelaǥuy sikandan he ebpemekeurambak, ne ebpemematey sikandan.

Isaias 63:7

Edtudtulen ku is gaǥew te Nengazen. Edeliǥen ku sikandin tenged te langun he mibeelan din kenitew. Mezakel is meupiya he mibeelan din diyà te kenitew te menge etew ziyà te Israel tenged te zekelà he hizu zin wey kebmahala zin kenitew.