Salmo 9:1 - Manobo Western Bukidnon OT

¹ Ebpeselematan ku sikew, Nengazen, te ebpuun kayi te tivuuk he ǥehinawa ku. Ibpenudtul ku is langun he egkein-inuwan he menge vaal nu.

Salmo 9:1 교차 참조

Salmo 86:12

Nengazen he Megbevayè ku, edeliǥen ku sikew te kedalig he ebpuun kayi te tivuuk he ǥehinawa ku. Edeliǥen ku sikew te wazà pidtemanan.

1 Cronica 16:24

Ipetueni niw ziyà te langun he menge etew ziyà te menge nasyun is kegkemekeǥeǥehem din wey is egkein-inuwan he menge vaal zin.

Salmo 111:1

Deliǥa is Nengazen! Ebpeselematan ku is Nengazen te ebpuun kayi te tivuuk he ǥehinawa ku ziyà te ketiǥuman te menge metazeng.

Salmo 26:7

Ne zutun egkanta a te menge kentahan he para te kebpeselamat, wey edseysayen ku is langun he egkein-inuwan he menge vaal nu.

Isaias 43:21

Iyan heini menge etew he midlimbag ku su para mehimu he kediey, wey para deliǥa e zan.

Salmo 7:17

Sikew, Nengazen, is Utew Lavew he Megbevayà. Ebpeselamatan ku sikew tenged te ketazeng nu. Edeliǥen ku sikew pinaaǥi te kegkanta ku.

1 Cronica 16:12

Sikiyu is menge pinilì te Megbevayà wey menge kevuwazan ni Israel he suluǥuen te Megbevayà, he iyan si Jacob, tentenuzi niw is menge egkein-inuwan he menge vaal zin, wey is menge kedhukum din.

Salmo 138:1

Ebpeselematan ku sikew, Nengazen, te ebpuun kayi te tivuuk he ǥehinawa ku. Egkanta a te menge idalig kenikew ziyà te etuvangan te zuma he menge ed-ezapen.

Salmo 51:15

Nengazen, tevangi a kenikew su wey a mekekaǥi te menge lalag he idalig kenikew, ne edeliǥen ku sikew.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Salmo 106:2

Wazà minsan hentei he wazà kurang te kedseysaya zin wey kedeliǥa zin te nezumahan te ǥehem he menge vaal te Nengazen.

Salmo 9:14

su wey ku ikeseysey ziyà te menge etew ziyà te menge pultahan te inged he Zion is menge mibeelan nu, he iyan igkezeliǥa ku kenikew. Ne edlipey a zutun tenged te kedlibriya nu kediey.