1 He Megbevayà, kenè ka pereremek, kekenà, waleng ka!
Nengazen he iyan kutè ku. Ebpengumew a kenikew. Pemineǥa nu is ked-ampù ku! Su emun kenà a kenikew ebpemineǥen, ne megaan a ebpatey.
Nengazen, neehè nu heeyan, umbe kenè ka và dà redtan. Kenà a kenikew pekeziyui.
Sigi en, Nengazen, waleng kad! Kenè key kenikew iniyuǥi taman te taman.
Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.
Ne ebpekeuma is Megbevayà he ebpetuus, su ziyà te egkehunaan din duen egkeregreg he hapuy, ne ziyà te ebpekeliǥuy kandin ne zuen bagyu.
Egkaǥi sikandin te, “Neuǥet en he timpu he mibpereremek e zà wey mid-eǥen ku is gehinawa ku. Iyan, guntaan ibuswang ku en is pauk ku. Ebpengulahì a he ebpekeeǥes-eǥes iring te vahi he edheǥed is ebeliliten.
