Salmo 82:3 - Manobo Western Bukidnon OT

³ Iveǥey niw is hustu he kukuman diyà te menge utew egkengeey-eyuwi wey menge ilu. Levani niw is ketenged te menge egkaayuayu he edèdaaǥen.

Salmo 82:3 교차 참조

Job 29:12

Su edtevangan ku is menge pubri he mibpetavang kedì wey is menge ilu he wazà ebpeketavang kandan.

Job 31:21

Emun mibpesekitan ku pinaaǥi te velad ku is ilu, su ǥeina te zuen ku ǥehem diyà te hukmanan,

Salmo 10:18

Ebpemineǥen nu is pengemuyù te menge ilu wey menge etew he edèdaaǥen, su wey ikeveǥey ziyà te kandan is hustu he kukuman, su wey wazè en ebpelihandek kandan he etew he kelibutanen dà.

Exodus 23:3

Kenè niw depiǥi is pubri ziyà te hukmanan tenged te hizu niw kandin dutun te kasu zin.

Exodus 23:6

“Kenè niw limbungi ziyà te hukmanan is egkaayuayu.

Erubasa 31:9

Emun egkukum ka ne ipeikul nu te hustu he kukuman, ne levani nu is ketenged te menge pubri.

Isaias 1:17

Penginenau kew te kebaal te meupiya, wey iyan niw ikula is hustu he kukuman. Dewaya niw is menge ebpemeǥespeǥes, wey levani niw is ketenged te menge ilu wey menge valu he vahi.”

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Jeremias 22:16

Midlevanan din is ketenged te menge pubri wey egkengeey-eyuwan, umbe midlampus sikandin. Iyan heeyan hustu he paaǥi te kedtehuza kedì te Nengazen.

Jeremias 22:3

Migkaǥi is Nengazen te: Baal kew te hustu wey metazeng. Tevangi niw is menge mibpenekawan; libriya niw sikandan puun te gehem te midrasey kandan. Kenè niw dèdaaǥa wey pesipelahi is kenà menge Israilihanen, is menge ilu, wey is menge valu. Kenè kew zaan himatey te wazà mekesalà.

Jeremias 5:28

Midlambù dan wey mibmeupiya is lawa zan. Kenè en edtaman is kebaal zan te mezaat. Wazè dan beǥayi te hustu he kukuman is menge ilu, wazè dan depiǥi is ketenged te menge pubri he menge etew.

Zacarias 7:9

“Iyan heini migkaǥi ku ziyà te menge etew ku: ‘Iveǥey niw is metazeng he kukuman. Ipeehè niw is keupiya niw wey kebpekedhihizuwè niw.

Deuteronomio 10:18

Edlevanan din is menge ilu wey is menge valu he vahi. Ebmahalen din is menge lumelengyawà ne ebeǥayan din sikandan te keenen wey menge visti.

Deuteronomio 24:17

“Beǥayi niw te hustu he kukuman is menge ilu wey is kenà menge Israilihanen he zuma niw he meǥinged. Kenè niw pesendai te valu he vahi is utang din te samput din.