Salmo 81:1 - Manobo Western Bukidnon OT

¹ Kentahi niw he melipayen kew is Megbevayà he iyan mibeǥey kenitew te zesen. Ugyab kew ziyà te etuvangan te Megbevayà ni Jacob!

Salmo 81:1 교차 참조

Genesis 50:17

he megkaǥi key ziyan te kenikew te egkeǥiyen din kenikew he iyan is: ‘Edhengyuan ku sikew, mama, he peseyluwa nu is salà wey mezaat he mid-ulaula kenikew te menge kakey nu su mibpesipelahan ke zan,’ ke sikandin. Ne sikami zaan is menge suluǥuen te Megbevayà te amey tew, edhengyuan dey sikew he peseyluwa nu is salè dey kenikew.” Ne hein nekeuma heini is surat diyà te ki Jose, mibpenluluhaan sikandin su nerurunù.

1 Cronica 6:17

Ne is menge anak ni Gershon ne iyan si Libni wey si Shimei.

Salmo 28:7

Iyan ka mibeǥey kedì te zesen; iyan ka migkelasag kedì. Midsarig a kenikew ne edtevangan a kenikew. Umbe utew a melipayen ne migkanta a te peselamat diyà te kenikew.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 50:1

Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.

Salmo 52:7

“Ahaa niw is menge etew he kenà edsarig te Megbevayà he melig-en pezem he eputè dan. Su iyan dan edseriǥan is mahabet he menge azen dan, ne mid-iseg is kegkemekeǥeǥehem dan pinaaǥi te kedezaat dan te zuma he etew.”

Salmo 66:1

Sikiyu is menge etew kayi te tivuuk he kelibutan, ugyab kew ziyà te Megbevayà te kegkelipey.

Salmo 67:4

Berakat he meǥalew he egkanta te kegkelipey is langun he menge etew kayi te tivuuk he kelibutan, tenged te ketazeng te kedhukum nu kandan wey kegiyahi nu kandan.

Salmo 8:1

He Nengazen he iyan Egalen dey, is kegkemekeǥeǥehem nu egkaahà kayi te tivuuk he kelibutan! Egkezineg nu ziyan te langit is kedeliǥa te menge etew kenikew.

Jeremias 31:7

Migkaǥi pa is Nengazen te, “Kanta kew wey ugyab kew tenged te kegkelipey para te Israel he iyan lavew te langun he menge nasyun. Dalig kew wey ihabet niw ivensag is, ‘Nengazen, libriya nu is menge etew nu he nengesamà he uuyag he menge Israilihanen.’