Salmo 8:3 - Manobo Western Bukidnon OT

³ Emun edtengteng a ziyà te langit he mibeelan nu, ne egkeehè ku is bulan wey menge vituen he insavuk nu ziyà te nengesevukan dan,

Salmo 8:3 교차 참조

Genesis 1:1

Diyà te puunà midlimbag te Megbevayà is langit wey is kelibutan.

Job 22:12

“Is Megbevayà, ne ziyà te kinetikangan he langit, lavew pa te kinetikangan he menge vituen.

Job 25:3

Egkevilang be is menge sundaru zin? Duen be lugar he wazà meteyawi te kerayag din?

Job 25:5

Emun minsan is bulan wey menge vituen kenà merayag is ked-ahaa zin duen,

Job 36:24

Kenè nu lipati is kedalig te menge vaal zin he iyan daan ebeelan te zuma emun egkanta zan.

Salmo 104:19

Mibeelan nu is bulan he para tuus te timpu; ne ibpesanlep nu is andew te hustu he timpu.

Salmo 111:2

Mekeǥeǥehem is menge vaal te Nengazen; egngunngunuen heini is langun te menge egkesuat kayi.

Salmo 148:3

Deliǥa niw sikandin, andew, bulan, wey menge vituen.

Salmo 19:1

Is hewhewanan ebpahayag te utew kegkemekeǥeǥehem te Megbevayà, su zutun egkeehè ta is menge linimbag din.

Salmo 33:6

Pinaaǥi te lalag te Nengazen, nehimu is langit: andew, bulan, wey menge vituen.

Salmo 89:11

Kenikew is langit wey is kelibutan; mibeelan nu is kelibutan wey is langun he netaǥù kayi.

Exodus 31:18

Ne hein nekepasad is Nengazen he ebpekidlalag ki Moises diyà te puntur te Buntud he Sinai, imbeǥey zin diyà te ki Moises is dezuwa he midlumpipì he vatu he zutun isurat te Megbevayà is menge velaud din.

Exodus 8:19

Ne migkaǥi sikan is menge selemengkiru ziyà te hadì te, “Baal heini te Megbevayà!” Piru mezesen gihapun is gehinawa zuen te hadì, ne wazà sikandin mebpezumazuma ki Moises wey ki Aaron, su iyan heini migkaǥi te Nengazen.

Deuteronomio 4:19

Kinahanglan he kenè kew egke-iniyat he edsimba te egkengeehè niw ziyà te langit–andew, bulan wey menge vituen. Insavuk heini te Nengazen he Megbevayè niw he para te tivuuk he keet-etawan kayì te kelibutan.